ರಿಪ್ಪನ್‌ಪೇಟೆ: ಗುಡುಗು ಸಹಿತ ಧಾರಾಕಾರ ಮಳೆ

ರಿಪ್ಪನ್‌ಪೇಟೆ: ಸೋಮವಾರ ಸಂಜೆ ಗುಡುಗು, ಸಿಡಿಲು ಸಹಿತ ಭಾರಿ ಮಳೆಯಾಯಿತು. 

ಮಳೆಯಿಂದ ವಾರದ ಸಂತೆ ಅಸ್ತವ್ಯಸ್ತವಾಯಿತು. ಹಣ್ಣು, ತರಕಾರಿ, ದಿನಸಿ ಸಾಮಗ್ರಿಗಳು ಮಳೆಗೆ ಸಿಲುಕಿ ಹಾನಿಯಾದವು.  ಅಂಗಡಿಗಳ ತಾಡಪಾಲುಗಳು ಹಾರಿ ಹೋದವು. ಇದರಿಂದ ವ್ಯಾಪಾರಸ್ಥರು ನಷ್ಟ ಅನುಭವಿಸುವಂತಾಯಿತು.

ಮಳೆಯಿಂದ ಗ್ರಾಮಾಂತರ ಪ್ರದೇಶಗಳಲ್ಲಿ ಮರ ಹಾಗೂ ವಿದ್ಯುತ್ ಕಂಬಗಳು ಧರೆಗೆ ಉರುಳಿವೆ. ಹಲವೆಡೆ ವಿದ್ಯುತ್ ಸಂಪರ್ಕ ಕಡಿತಗೊಂಡಿದೆ.