ಶಿವಮೊಗ್ಗ | ಗಾಂಜಾ ಮಾರಾಟ: ಬಂಧನ

ಶಿವಮೊಗ್ಗ: ಹೊನ್ನಾಳಿ ಸಮೀಪದ ಬುಳ್ಳಾಪುರ-ಸೂಗೂರು ಸರ್ವೀಸ್ ರಸ್ತೆಯ ಬಳಿ ಗಾಂಜಾ ಮಾರಾಟ ಮಾಡುತ್ತಿದ್ದ ವ್ಯಕ್ತಿಯನ್ನು ಬಂಧಿಸಿದ ಪೊಲೀಸರು, ಅಂದಾಜು ₹25,000 ಮೌಲ್ಯದ 1 ಕೆ.ಜಿ 298 ಗ್ರಾಂ ಗಾಂಜಾ ವಶಕ್ಕೆ ಪಡೆದಿದ್ದಾರೆ. 

ಭದ್ರಾವತಿಯ ಸೀಗೆ ಬಾಗಿ ಸೈಯದ್ ಫೈಜು (31) ಬಂಧಿತ. 

ಸಿಇಎನ್ ಕ್ರೈಂ ಪೊಲೀಸ್ ಠಾಣೆ ಡಿವೈಎಸ್‌ಪಿ ಕೆ. ಕೃಷ್ಣಮೂರ್ತಿ ನೇತೃತ್ವದಲ್ಲಿ ಎಎಸ್ಐ ಶೇಖರ್, ಎಚ್‌ಸಿ ವಿಭಾಗದ ಬಿ.ಎಸ್. ಕರಿಬಸಪ್ಪ, ಧರ್ಮಾ ನಾಯ್ಕ, ಅವಿನಾಶ, ಡಿ.ಆರ್. ಚಂದ್ರಶೇಖರ್‌, ಕಾನ್‌ಸ್ಟೆಬಲ್ ಬಿ.ಎಚ್‌. ಗಿರೀಶ್‌ ಸ್ವಾಮಿ, ನಾರಾಯಣ ಸ್ವಾಮಿ, ಬಿ. ರವಿ, ಎಲ್.ಬಿ. ಪ್ರಮೋದ್‌ ಅವರ ತಂಡ ಕಾರ್ಯಾಚರಣೆ ನಡೆಸಿತ್ತು.