ಸೊರಬ: ಮಳೆ-ಗಾಳಿಗೆ ಮುರಿದು ಬಿದ್ದ ವಿದ್ಯುತ್ ಕಂಬಗಳು

ಸೊರಬ: ತಾಲ್ಲೂಕಿನ ವಿವಿಧೆಡೆ ಭಾನುವಾರ ಸುರಿದ ಭಾರಿ‌ ಮಳೆ, ಗಾಳಿಗೆ ಮರ ಹಾಗೂ ವಿದ್ಯುತ್ ಕಂಬಗಳು ಧರೆಗುರುಳಿವೆ.‌

ತಾಲ್ಲೂಕಿನ ಗುಂಜನೂರಿನಲ್ಲಿ 14 ಎಕರೆ ಬಾಳೆ ತೋಟ ಗಾಳಿಗೆ ನೆಲಕಚ್ಚಿದೆ.‌

ಹಲವೆಡೆ ಗಾಳಿ, ಮಳೆಗೆ ಮರಗಳು, ವಿದ್ಯುತ್ ಕಂಬಗಳು ಮುರಿದು ಬಿದ್ದಿವೆ. ಉದ್ರಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಗಾಳಿ‌‌‌ ಮಳೆಗೆ ಅಪಾರ ಪ್ರಮಾಣದ ಹಾನಿಯಾಗಿದ್ದು, ಕುಮ್ಮೂರು, ಚಿಕ್ಕಾವಲಿ, ಯಲವಾಟ, ಎಡಗೊಪ್ಪ, ಬಿಳಾಗಿಯಲ್ಲಿ 20ಕ್ಕೂ ಅಧಿಕ ವಿದ್ಯುತ್ ಕಂಬಗಳು‌ ಮುರಿದು ಬಿದ್ದಿವೆ. ಕೆಲವೆಡೆ ಜೋಳದ ಬೆಳೆ ನೆಲಕಚ್ಚಿದೆ.