ಚಿಕ್ಕನಾಯಕನಹಳ್ಳಿ | ಆಸ್ಪತ್ರೆ ಶಾಸಕರ ಭೇಟಿ; ಪರೀಶೀಲನೆ

ಚಿಕ್ಕನಾಯಕನಹಳ್ಳಿ: ಪಟ್ಟಣದ ತಾಲ್ಲೂಕು ಸಾರ್ವಜನಿಕ ಆಸ್ಪತ್ರೆಗೆ ನೂತನ ಶಾಸಕ ಸಿ.ಬಿ. ಸುರೇಶ್‌ ಬಾಬು ಭೇಟಿ ನೀಡಿ ಅಲ್ಲಿನ ಸ್ಥಿತಿಗತಿ ವೀಕ್ಷಿಸಿದರು.

ವಾರ್ಡ್‌ಗಳಿಗೆ ತೆರಳಿ ದಾಖಲಾಗಿದ್ದ ಒಳರೋಗಿಗಳನ್ನು ಭೇಟಿಯಾಗಿ ಅವರ ಆರೋಗ್ಯ ವಿಚಾರಿಸಿದರು. ನಂತರ ಸಿಬ್ಬಂದಿಯನ್ನು ಮಾತನಾಡಿಸಿ ರೋಗಿಗಳಿಗೆ ಸ್ಪಂದಿಸಿ ಮುಕ್ತವಾಗಿ ಕೆಲಸ ಮಾಡುವಂತೆ ಹುರಿದುಂಬಿಸಿದರು.

ಇದಕ್ಕೂ ಮುನ್ನ ಟಿಎಚ್‌ಒ ಕಚೇರಿಯಲ್ಲಿ ವೈದ್ಯರ ಸಭೆ ಕರೆದು ಆಸ್ಪತ್ರೆಯಲ್ಲಿರುವ ಸಮಸ್ಯೆಗಳನ್ನು ತಿಳಿದುಕೊಂಡು ಮುಂದಿನ ದಿನಗಳಲ್ಲಿ ಪರಿಹಾರ ಕ್ರಮಗಳ ಮೂಲಕ ರೋಗಿಗಳಿಗೆ ಉತ್ತಮ ಆರೋಗ್ಯ ಸೇವೆ ಒದಗಿಸುವ ಬಗ್ಗೆ ಸಮಾಲೋಚನೆ ನಡೆಸಿದರು.‌

ವೈದ್ಯಾಧಿಕಾರಿ ಡಾ.ನಟರಾಜ್‌, ಮುಖಂಡರಾದ ರಾಮಚಂದ್ರಯ್ಯ, ಹೊನ್ನೇಬಾಗಿ ಶಶಿಧರ್‌ ಇದ್ದರು.