ಮಾರುವೇಶ ಧರಿಸಿ ಕಳ್ಳತನ: ದಂಪತಿ ಬಂಧನ

ಚಿಕ್ಕನಾಯಕನಹಳ್ಳಿ: ರಾಜ್ಯದ ಹಲವು ಜಿಲ್ಲೆಗಳಲ್ಲಿ ಮಾರುವೇಷ ಧರಿಸಿ ಕಳ್ಳತನ ಮಾಡುತ್ತಿದ್ದ ದಂಪತಿಯನ್ನು ಪಟ್ಟಣದ ಪೊಲೀಸರು ರಾಷ್ಟ್ರೀಯ ಹೆದ್ದಾರಿ 150 ಎ ರಸ್ತೆಯಲ್ಲಿ ಜೂನ್ 22ರಂದು ಬ್ಯಾಡರಹಳ್ಳಿ ಸಮೀಪ ಬಂಧಿಸಿದ್ದಾರೆ.

ಬಂಧಿತ ಆರೋಪಿ ಉದಯ್ ಹಾಗೂ ಶಾರದಾ ಮೂಲತಃ ಹಾಸನ ಜಿಲ್ಲೆಯವರು. ರಾಜ್ಯದ ಹಲವೆಡೆ ಬೆಡ್‌ಶೀಟ್ ವ್ಯಾಪಾರ, ಬಟ್ಟೆ ವ್ಯಾಪಾರದ ನೆಪದಲ್ಲಿ ಹಲವೆಡೆ ಕಳ್ಳತನ ಮಾಡಿದ್ದು ಹೊನ್ನವಳ್ಳಿ, ಗೌರಿಬಿದನೂರು, ಶ್ರೀರಾಂಪುರ ಹಾಗೂ ರಾಜ್ಯದ ಹಲವು ಪೊಲೀಸ್ ಠಾಣೆಗಳಲ್ಲಿ ಇವರ ಮೇಲೆ ಪ್ರಕರಣ ದಾಖಲಾಗಿದೆ.