ಪಾವಗಡ: ಜುಲೈ 18ರಿಂದ ಗುಜ್ಜಾರಿ ಆಂಜನೇಯ ರಥೋತ್ಸವ

ಪಾವಗಡ: ತಾಲ್ಲೂಕಿನ ಅರಸೀಕೆರೆಯಲ್ಲಿ ಜುಲೈ 18ರಿಂದ 22ರವರೆಗೆ ಕೋದಂಡರಾಮ ಸಮೇತ, ಗುಜ್ಜಾರ ಆಂಜನೇಯಸ್ವಾಮಿ ಜಾತ್ರಾ ಮಹೋತ್ಸವ ನಡೆಯಲಿದೆ ಎಂದು ದೇಗುಲ ಸಮಿತಿ ಪದಾಧಿಕಾರಿಗಳು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಗುರುವಾರ ಅಭಿಷೇಕ, ಅಂಕುರಾರ್ಪಣೆ, ಕಳಶಸ್ಥಾಪನೆ, ಉತ್ಸವ ನಡೆಯಲಿದೆ. ಶುಕ್ರವಾರ ಧ್ವಜಾರೋಹಣ, ಅರಮನೆ ಉತ್ಸವ, ಹಿಟ್ಟಿನ ಆರತಿ, ಭೂತಬಲಿ ಸೇವೆ, 101 ಎಡೆಗಳು, ಬಿಲ್ಲುಗೂಡು ಸೇವೆ ನಡೆಯಲಿದೆ.

ಶನಿವಾರದಂದು ಸಣ್ಣ ರಥೋತ್ಸವ, ಶ್ರೀರಾಮ ಕಲ್ಯಾಣೋತ್ಸವ, ಮನರಂಜನಾ ಕಾರ್ಯಕ್ರಮಗಳು ನಡೆಯಲಿವೆ. ಭಾನುವಾರ ಮಧ್ಯಾಹ್ನ 3ರಿಂದ ಸಂಜೆ 6ರ ವರೆಗೆ ರಥೋತ್ಸವ ನಡೆಯಲಿದೆ. ಸೋಮವಾರ ಕೇಶ ಮುಂಡನ, ಕಂಕಣ ವಿಸರ್ಜನೆ, ವಸಂತೋತ್ಸವ ನಡೆಯಲಿದೆ ಎಂದು ತಿಳಿಸಿದ್ದಾರೆ.