ಬೋನಿಗೆ ಬಿದ್ದ ಚಿರತೆ

ಹೆಬ್ಬೂರು (ತುಮಕೂರು): ಗೂಳೂರು ಹೋಬಳಿಯ ಮುಳ್ಳುಕುಂಟೆ ಗ್ರಾಮದಲ್ಲಿ ಅರಣ್ಯ ಇಲಾಖೆ ಇಟ್ಟಿದ್ದ ಬೋನಿನಲ್ಲಿ ಸೋಮವಾರ ಬೆಳಿಗ್ಗೆ ಚಿರತೆ ಸೆರೆಯಾಗಿದೆ.

‘ಮೂರು ವರ್ಷದ ಈ ಹೆಣ್ಣು ಚಿರತೆ ಮರಿ ಹಾಕಿದೆ. ಅವುಗಳಿಗೆ ಹಾಲುಣಿಸುತ್ತಿದೆ. ಇಲಾಖೆಯಿಂದ ಮರಿಗಳನ್ನು ಹುಡುಕುತ್ತಿದ್ದೇವೆ. ಗೂಳೂರು ಮತ್ತು ಹೆಬ್ಬೂರು ವ್ಯಾಪ್ತಿಯಲ್ಲಿ ಮಾ.1ರಿಂದ ಇಲ್ಲಿಯವರೆಗೆ ಒಟ್ಟು ಆರು ಚಿರತೆಗಳು ಸೆರೆಯಾಗಿವೆ’ ಎಂದು ತುಮಕೂರು ವಲಯ ಅರಣ್ಯಾಧಿಕಾರಿ ನಟರಾಜ್ ‘ಪ್ರಜಾವಾಣಿ’ಗೆ ತಿಳಿಸಿದರು.