ಹೆಜ್ಜೇನು ದಾಳಿ: 17 ಮಂದಿಗೆ ಗಾಯ

ಮಧುಗಿರಿ: ಪಟ್ಟಣದ ರಾಘವೇಂದ್ರ ಸ್ವಾಮಿ ವೃತ್ತದಲ್ಲಿ ಗುರುವಾರ ಹೆಜ್ಜೇನು ದಾಳಿ ನಡೆಸಿದ್ದು, 17 ಮಂದಿ ಅಸ್ವಸ್ಥಗೊಂಡು ತಾಲ್ಲೂಕು ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಪಟ್ಟಣದ ರಾಘವೇಂದ್ರ ಸ್ವಾಮಿ ದೇವಾಲಯದ ಆವರಣದಲ್ಲಿ ಬೃಹತ್ ಅರಳಿ ಮರದಲ್ಲಿ ಹೆಜ್ಜೇನು ಗೂಡಿತ್ತು. ಗುರುವಾರ ರಾಘವೇಂದ್ರ ಸ್ವಾಮಿಗೆ ಭಕ್ತರು ಕರ್ಪೂರ ಹಾಗೂ ಊದುಬತ್ತಿ ಹಚ್ಚಿದ್ದರಿಂದ ಹೆಜ್ಜೇನು ಎದ್ದು ವೃತ್ತದಲ್ಲಿ ಓಡಾಡುತ್ತಿದ್ದ ಜನರ ಮೇಲೆ ದಾಳಿ ನಡೆಸಿವೆ.