ತಿಪಟೂರು | ಅಲ್ಬೂರಿನಲ್ಲಿ ಮಳೆಗಾಗಿ ಪೂಜೆ

ತಿಪಟೂರು: ತಾಲ್ಲೂಕಿನ ಆಲ್ಬೂರಿನಲ್ಲಿ ಮಳೆರಾಯನ ಪೂಜೆ ನಡೆಯಿತು.

ಊರಿನ ಪೂರ್ವಜರು ಬರಗಾಲ ಬಂದಾಗ 9 ದಿನ ಚಂದಮಾಮನ ಪೂಜೆ ಮಾಡಿ ಮಳೆಗಾಗಿ ಪ್ರಾರ್ಥಿಸಿ, ಒಂಬತ್ತನೆಯ ದಿನ ಇಬ್ಬರು ಹೆಣ್ಣುಮಕ್ಕಳಿಗೆ ವಧು, ವರರ ವೇಷ ಹಾಕಿ ಮದುವೆ ಮಾಡಿ ಭಕ್ತಿಯಿಂದ ಮಳೆಗಾಗಿ ಪ್ರಾರ್ಥಿಸುತ್ತಿದ್ದರು. ಅದರಂತೆ ಈ ವರ್ಷವೂ ಪೂಜೆ ಸಲ್ಲಿಸಿದರು. ಗ್ರಾಮದಲ್ಲಿ ಹಬ್ಬದ ವಾತಾವರಣ ನಿರ್ಮಾಣವಾಗಿತ್ತು. ವಾಡಿಕೆಯಂತೆ ಮಳೆ ಬರುವ ನಿರೀಕ್ಷೆಯಲ್ಲಿ ಗ್ರಾಮಸ್ಥರು ಪ್ರಾರ್ಥಿಸಿದರು.

ಗ್ರಾಮಸ್ಥರಾದ ಅಶೋಕ್ ಎ.ಎನ್. ವಂದನ ಎ., ಪ್ರಕಾಶ್ ಭವಿತ, ಯಶ್ವಂತ್, ಹೇಮಂತ್, ನಂದೀಶ್, ರಮೇಶ್, ರೋಹಿಣಿ ಮಹಾಲಕ್ಷ್ಮಿ, ಪವನ,  ಗ್ರಾಮಸ್ಥರು ಪಾಲ್ಗೊಂಡಿದ್ದರು.