ಕಾನೂನು ಸೇವಾ ಪ್ರಾಧಿಕಾರದಿಂದ ನೆರವು

ತುಮಕೂರು: ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರವು ಲಾಕ್‍ಡೌನ್ ಅವಧಿಯಲ್ಲಿ ಸಾರ್ವಜನಿಕರಿಗೆ ಅಗತ್ಯ ಸಹಾಯ ಒದಗಿಸಲು ಅಧಿಕಾರಿ, ಸಿಬ್ಬಂದಿಯನ್ನು ನೇಮಕ ಮಾಡಿದೆ.

ಜಿಲ್ಲೆಯಲ್ಲಿ ಕೊರೊನಾ ಸೋಂಕಿಗೆ ತುತ್ತಾಗಿ ಆಸ್ಪತ್ರೆಗೆ ದಾಖಲಾಗುವ ಅಥವಾ ತೊಂದರೆ ಒಳಗಾಗುವ ವ್ಯಕ್ತಿ, ಅವರ ಸಂಬಂಧಿಕರು, ವಯಸ್ಕರು, ಮನೆಯಿಂದ ಹೊರಬರಲು ಸಾಧ್ಯವಾಗದವರಿಗೆ ಆಹಾರ, ಊಟ ಮತ್ತು ಔಷಧಗಳ ಕೊರತೆ ಉಂಟಾದಲ್ಲಿ ಈ ಅಧಿಕಾರಿಗಳನ್ನು ಸಂಪರ್ಕಿಸಬಹುದು ಎಂದು ಪ್ರಧಾನ ಜಿಲ್ಲಾ ಮತ್ತು ಸೆಷನ್ಸ್ ನ್ಯಾಯಾಧೀಶರು ಹಾಗೂ ಜಿಲ್ಲಾ ಕಾನೂನು ಸೇವೆಗಳ ಪ್ರಾಧಿಕಾರದ ಅಧ್ಯಕ್ಷರಾದ ಹಂಚಾಟೆ ಸಂಜೀವಕುಮಾರ ತಿಳಿಸಿದ್ದಾರೆ.

ನೆರವು ಪಡೆಯಲು ಇಚ್ಛಿಸುವವರು ವಕೀಲರಾದ ಎಸ್.ಮಂಜುನಾಥ್ 9844228971, ಕೆ.ವಿ.ಚಂದ್ರಚೂಡ್ 9448661446, ಭೋಜಕುಮಾರ್ 9964531291, ಬೇಬಿ ಕವಿತಾ 9844080412 ಅವರನ್ನು ಸಂಪರ್ಕಿಸಬಹುದು.