ಮಹಿಳೆಯರ ಕಬಡ್ಡಿ: ಗುಬ್ಬಿ ಪ್ರಥಮ, ಕುಣಿಗಲ್ ದ್ವಿತೀಯ

ಪಾವಗಡ: ಪಟ್ಟಣದಲ್ಲಿ ಮಂಗಳವಾರ ನಡೆದ ಅಂತರಕಾಲೇಜು ಮಹಿಳೆಯರ ಕಬಡ್ಡಿ ಪಂದ್ಯಾವಳಿಯಲ್ಲಿ ಗುಬ್ಬಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ತಂಡ ಪ್ರಥಮ, ಕುಣಿಗಲ್ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ತಂಡ ದ್ವಿತೀಯ ಸ್ಥಾನ ಪಡೆಯಿತು.

ಕ್ರೀಡಾಕೂಟದಲ್ಲಿ ಜಿಲ್ಲೆಯ ವಿವಿಧ ಕಾಲೇಜುಗಳ 10 ತಂಡ ಭಾಗವಹಿಸಿತ್ತು. ಅಂತಿಮ ಹಂತದ ಪಂದ್ಯಗಳು ರೋಚಕತೆಯಿಂದ ಕೂಡಿತ್ತು. ಪಂದ್ಯ ವೀಕ್ಷಿಸಲು ಹೆಚ್ಚಿನ ಸಂಖ್ಯೆಯ ಸಾರ್ವಜನಿಕರು ನೆರೆದಿದ್ದರು. ತಮ್ಮ ತಮ್ಮ ಪಂದ್ಯದ ಆಟಗಾರರಿಗೆ ಹುರಿದುಂಬಿಸಿ ಪ್ರೋತ್ಸಾಹ ನೀಡಿದರು.

ಪ್ರಾಂಶುಪಾಲ ಶಿವಾನಂದಯ್ಯ, ತುಮಕೂರು ವಿಶ್ವವಿದ್ಯಾಲಯದ ದೈಹಿಕ ಶಿಕ್ಷಣದ ನಿರ್ದೇಶಕ ಪ್ರಭು, ದೈಹಿಕ ಶಿಕ್ಷಣ ನಿರ್ದೇಶಕ ಮಧುಕುಮಾರ್, ಗ್ರಂಥ ಪಾಲಕ ನಾಗರಾಜು, ಮಾರಪ್ಪ, ವಾಣಿಜ್ಯ ಶಾಸ್ತ್ರ ವಿಭಾಗದ ಉಪನ್ಯಾಸಕ ಕಿರಣ್, ಮಮತಾ, ಮೀನು, ಅನಂತರಾಜು, ಅರುಣ್ ಕುಮಾರ್, ಇಂಗ್ಲಿಷ್ ಪ್ರಾಧ್ಯಾಪಕ ರಾಜಣ್ಣ, ಆನಂದ ಸ್ವಾಮಿ ರವರು, ರಾಮಂಜಿನಮ್ಮ, ನಾಗಭೂಷಣ್, ಸುಮಾದೇವಿ, ಪ್ರಕಾಶ್, ನಾಗೇಂದ್ರಪ್ಪ, ಮಧು ಕುಮಾರ್, ಅರುಣ್ ಕುಮಾರ್ ಉಪಸ್ಥಿತರಿದ್ದರು.