ಬ್ರಹ್ಮಾವರ | ಬೆಂಕಿ ಅವಘಡ: ಬೆಳೆ ನಾಶ

ಬ್ರಹ್ಮಾವರ: ಮಟಪಾಡಿಯಿಂದ ನೀಲಾವರಕ್ಕೆ ಸಾಗುವ ರಸ್ತೆಯ ಎರಡೂ ಬದಿ ಬೆಂಕಿ ಕಾಣಿಸಿಕೊಂಡು, ಎಕರೆ ಗಟ್ಟಲೆ ಪ್ರದೇಶದಲ್ಲಿ ಬೆಳೆದ ವಿವಿಧ ಬೆಳೆ ಹಾನಿಯಾದ ಘಟನೆ ಗುರುವಾರ ನಡೆದಿದೆ.

ಪರಿಸರದಲ್ಲಿ ಬೆಳೆದ ಫೈನಾಪಲ್‌, ಅಡಿಕೆ, ತೆಂಗು ಗಿಡಗಳು ಬೆಂಕಿಯ ಅಬ್ಬರಕ್ಕೆ ಸುಟ್ಟು ಕರಕಲಾಗಿದೆ. ಪರಿಸರದಲ್ಲಿ ಸಣ್ಣಪುಟ್ಟ ಕೈಗಾರಿಕೆಗಳಿದ್ದು, ಹೆಚ್ಚಿನ ಅವಘಡ ಸಂಭವಿಸುವ ಮೊದಲೇ ಸ್ಥಳೀಯರು ಮತ್ತು ಅಗ್ನಿಶಾಮಕ ದಳದ ಕಾರ್ಯಾಚರಣೆಯಿಂದ ಭಾರಿ ಅನಾಹುತ ತಪ್ಪಿದೆ.