ಪಿಎಫ್‌ ಬಾಕಿ ಕೊಡಿಸುವುದಾಗಿ ₹ 2.80 ಲಕ್ಷ ವಂಚನೆ
Published 23 ಅಕ್ಟೋಬರ್ 2021, 15:44 IST
ಉಡುಪಿ: ಪತಿಯ ಫ್ರಾವಿಡೆಂಟ್ ಫಂಡ್‌ನಲ್ಲಿರುವ ಬಾಕಿ ಹಣವನ್ನು ಕೊಡಿಸುವುದಾಗಿ ನಂಬಿಸಿದ ವಂಚಕರು ಮಹಿಳೆಗೆ ₹ 2.80 ಲಕ್ಷ ವಂಚನೆ ಮಾಡಿದ್ದಾರೆ.
76 ಬಡಗುಬೆಟ್ಟುವಿನ ಶೈಲಜಾ ಬೆಟ್ರಬೆಟ್ ವಂಚನೆಗೊಳಗಾದವರು. ಈಚೆಗೆ ಶೈಲಜಾ ಅವರ ಮೊಬೈಲ್‌ಗೆ ಕರೆ ಮಾಡಿದ ವಂಚಕರು ಕೇಂದ್ರ ಸರ್ಕಾರದ ಇಂಟಿಗ್ರೇಟೆಡ್‌ ಗ್ರೇಡಿಯಂಟ್ ಮ್ಯಾನೆಜ್‌ಮೆಂಟ್‌ ಸಿಸ್ಟಂನಿಂದ ಮಾತನಾಡುತ್ತಿರುವುದಾಗಿ ನಂಬಿಸಿ, ಪತಿಯ ಪಿಎಫ್‌ ಬಾಕಿ ಕೊಡಿಸಲು ನೆರವು ನೀಡುವುದಾಗಿ ತಿಳಿಸಿದ್ದಾರೆ.
ತೆರಿಗೆ ಬಾಕಿ ಹಾಗೂ ಇತರೆ ಖರ್ಚುಗಳ ಪಾವತಿಸುವಂತೆ ಶೈಲಜಾ ಅವರಿಂದ 2,80,691 ನಗದನ್ನು ವಿವಿಧ ಬ್ಯಾಂಕ್ ಖಾತೆಗಳಿಗೆ ನೆಫ್ಟ್ ಮಾಡಿಸಿಕೊಂಡಿದ್ದಾರೆ. ಬಳಿಕ ಶೈಲಜಾ ಅವರಿಗೆ ವಂಚನೆಗೊಳಗಾಗಿರುವುದು ಅರಿವಿಗೆ ಬಂದಿದ್ದು, ಸೆನ್‌ ಠಾಣೆಗೆ ದೂರು ನೀಡಿದ್ದು, ಪ್ರಕರಣ ದಾಖಲಾಗಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.