ಕಾರವಾರದಲ್ಲಿ ₹ 18 ಸಾವಿರ ಮೌಲ್ಯದ ಮದ್ಯ ವಶ

ಕಾರವಾರ: ಅಬಕಾರಿ ಇಲಾಖೆ ಅಧಿಕಾರಿಗಳು ಜಿಲ್ಲೆಯ 33 ಪ್ರದೇಶಗಳಲ್ಲಿ ಬುಧವಾರ ದಾಳಿ ನಡೆಸಿದ್ದು, ಎಂಟು ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ₹ 18 ಸಾವಿರ ಮೌಲ್ಯದ 59.60 ಲೀಟರ್ ಮದ್ಯವನ್ನು ವಶಪಡಿಸಿಕೊಂಡಿದ್ದಾರೆ.

ರೈಲ್ವೆ ಪೊಲೀಸ್‍ ನಿರೀಕ್ಷಕರು ಶಿರವಾಡ ರೈಲು ನಿಲ್ದಾಣದಲ್ಲಿ 30.750 ಲೀಟರ್ ಗೋವಾ ಮದ್ಯ, 20.250 ಲೀಟರ್ ಗೋವಾ ಫೆನ್ನಿ ಮತ್ತು 5 ಲೀಟರ್ ಗೋವಾ ಬಿಯರ್ ಜಪ್ತಿ ಮಾಡಿದ್ದಾರೆ. ಅಂದಾಜು ಮೌಲ್ಯ ₹ 17 ಸಾವಿರ ಎನ್ನಲಾಗಿದೆ. ಅದನ್ನು ಕಾರವಾರ ವಲಯ ಕಚೇರಿಗೆ ಹಸ್ತಾಂತರಿಸಿದ್ದಾರೆ. ಈ ಸಂಬಂಧ ಗಂಭೀರ ಮೊಕದ್ದಮೆ ದಾಖಲಾಗಿದೆ. ಆರೋಪಿ ಪತ್ತೆಯಾಗಿಲ್ಲ.

ಅಬಕಾರಿ ಇಲಾಖೆಯ ಶಿರಸಿ ವಲಯ ಅಧಿಕಾರಿಗಳು ಸಿದ್ದಾಪುರ ತಾಲ್ಲೂಕಿನ ಲಂಬಾಪುರದ ಮಾಸ್ತಿಹಕ್ಲು ರಸ್ತೆಯಲ್ಲಿ  2.5 ಲೀ ದೇಸಿ ಮದ್ಯ  ಜಪ್ತಿ ಮಾಡಿದ್ದಾರೆ. ಆರೋಪಿಯ ವಾಹನವನ್ನು ಜಪ್ತಿ ಮಾಡಲಾಗಿದೆ ಎಂದು ಅಧಿಕಾರಿಗಳು
ತಿಳಿಸಿದ್ದಾರೆ.