ವಕೀಲರ ಚುನಾವಣೆ: ಶೇ 90 ಮತದಾನ

ಶಿರಸಿ: ರಾಜ್ಯ ವಕೀಲರ ಪರಿಷತ್ತಿಗೆ ಮಂಗಳವಾರ ಚುನಾವಣೆಯಲ್ಲಿ ಇಲ್ಲಿನ ವಕೀಲರ ಸಂಘದ 182 ಸದಸ್ಯರು ಮತಚಲಾಯಿಸಿದರು. ಶೇ 90.09ರಷ್ಟು ಮತದಾನವಾಗಿದೆ.

ಬೆಳಿಗ್ಗೆ 10ರಿಂದ ಸಂಜೆ 5ರವರೆಗೆ ಮತದಾನ ನಡೆಯಿತು. ವಕೀಲರ ಪರಿಷತ್ತಿನ 25 ಸ್ಥಾನಗಳಿಗೆ 99 ಅಭ್ಯರ್ಥಿಗಳು ಸ್ಪರ್ಧಿಸಿದ್ದಾರೆ. ಚುನಾವಣೆಯ ಅಧಿಕಾರಿಯಾಗಿ ವಕೀಲರ ಸಂಘದ ಅಧ್ಯಕ್ಷ ಎ.ರವೀಂದ್ರ ನಾಯ್ಕ, ಸಹಾಯಕ ಚುನಾವಣಾಧಿಕಾರಿಯಾಗಿ ಕಾರ್ಯದರ್ಶಿ ಆರ್.ಆರ್.ಹೆಗಡೆ, ಮಂಜುನಾಥ ಕೆ.ಎಸ್., ಮಧುಕೇಶ್ವರ ನಾಯ್ಕ ಭಾಗವಹಿಸಿದ್ದರು.