ಶಿರಸಿಯ ಅಭಿಜ್ಞಾ, ವಾಯುಸೇನೆಯ ಫ್ಲೈಯಿಂಗ್ ಅಧಿಕಾರಿಯಾಗಿ ಕರ್ತವ್ಯಕ್ಕೆ ಸೇರ್ಪಡೆ

ಶಿರಸಿ: ತಾಲ್ಲೂಕಿನ ಬೆಂಗಳೆ ಗ್ರಾಮದ ಹಾಡಲಗಿ ಮನೆಯ ಅಭಿಜ್ಞಾ ಹೆಗಡೆ ಭಾರತೀಯ ವಾಯು ಸೇನೆಯಲ್ಲಿ ಫ್ಲೈಯಿಂಗ್ ಅಧಿಕಾರಿಯಾಗಿ ಕರ್ತವ್ಯಕ್ಕೆ ಸೇರ್ಪಡೆ ಆಗಿದ್ದಾರೆ.

ಪುಣೆಯ ಆರ್ಮ್ಡ್ ಫೋರ್ಸಸ್ ಮೆಡಿಕಲ್ ಕಾಲೇಜ್‍ನಲ್ಲಿ ವೈದ್ಯಕೀಯ ಪದವಿಯಲ್ಲಿ ವರ್ಗಕ್ಕೆ ಮೊದಲ ಸ್ಥಾನ ಪಡೆಯುವ ಮೂಲಕ ಈ ಹುದ್ದೆಗೆ ಏರಿದ್ದಾರೆ. ಪ್ರಸ್ತುತ ಅವರು ಉತ್ತರ ಪ್ರದೇಶದ ಕಾನ್ಪುರ ವಾಯು ನೆಲೆಯ ಕಮಾಂಡ್ ಹಾಸ್ಪಿಟಲ್‍ನಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು ಅವರ ಕುಟುಂಬದವರು ತಿಳಿಸಿದ್ದಾರೆ.

ಅಭಿಜ್ಞಾ ಅವರು ಹಾಡಲಗಿಮನೆಯ ಗಣೇಶ ಹೆಗಡೆ ಹಾಗೂ ಜಯಾ ಹೆಗಡೆ ದಂಪತಿಯ ಪುತ್ರಿ.