ಶಿರಸಿ: ಡಿಜಿಟಲ್ ತರಗತಿ ಕೊಠಡಿ ಉದ್ಘಾಟನೆ 11ಕ್ಕೆ
Published 8 ನವೆಂಬರ್ 2021, 16:31 IST
ಶ್ವೇತಾ ಪ್ರಭು
ಶಿರಸಿ: ಇಲ್ಲಿನ ನರೇಬೈಲ್‍ನ ಚಂದನ ಶಾಲೆಯಲ್ಲಿ ಅತ್ಯಾಧುನಿಕ ತಂತ್ರಜ್ಞಾನದೊಂದಿಗೆ ರೂಪಿಸಲಾದ ಡಿಜಿಟಲ್ ತರಗತಿ ಕೊಠಡಿ ನ.11ಕ್ಕೆ ಉದ್ಘಾಟನೆಗೊಳ್ಳಲಿದೆ ಎಂದು ಶಿರಸಿ ಇನ್ನರ್ ವ್ಹೀಲ್ ಕ್ಲಬ್ ಅಧ್ಯಕ್ಷೆ ಶ್ವೇತಾ ಪ್ರಭು ತಿಳಿಸಿದರು.
ನಗರದಲ್ಲಿ ಸೋಮವಾರ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದ ಅವರು, ‘ಗ್ರಾಮೀಣ ಭಾಗದ ಶಾಲೆಯನ್ನು ಅಭಿವೃದ್ಧಿಪಡಿಸುವ ದೃಷ್ಟಿಯಿಂದ ಕ್ಲಬ್ ಚಂದನ ಶಾಲೆಯನ್ನು ಆಯ್ಕೆ ಮಾಡಿ ಅಲ್ಲಿ ಸ್ಮಾರ್ಟ್ ಟಿವಿ, ಇಂಟರನೆಟ್ ಸೌಲಭ್ಯವೂ ಸೇರಿದಂತೆ ಹಲವು ಬಗೆಯ ಸೌಕರ್ಯ ಒದಗಿಸಿದೆ. ಒಟ್ಟು ₹7 ಲಕ್ಷ ವೆಚ್ಚ ತಗುಲಿದ್ದು ಇದರಲ್ಲಿ ₹5 ಲಕ್ಷವನ್ನು ಕ್ಲಬ್ ವತಿಯಿಂದ ಭರಿಸಲಾಗಿದೆ’ ಎಂದು ವಿವರಿಸಿದರು.
ಚಂದನ ಶಾಲೆಯ ವಿದ್ಯಾ ನಾಯ್ಕ, ಇನ್ನರ್ ವ್ಹೀಲ್ ಕ್ಲಬ್‍ನ ಮಮತಾ ಹೆಗಡೆ, ರೇಖಾ ಆನಂದ, ಫ್ಲೇವಿಯಾ ಫ್ರಾನ್ಸಿಸ್, ದೀಪ್ತಿ ಉದಾಸಿ, ಮಾಧುರಿ ಶಿವರಾಮ ಇದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.