ಹೊನ್ನಾವರ | ಜೂಜು ಆಡುತ್ತಿದ್ದ 6 ಜನರ ಬಂಧನ

ಹೊನ್ನಾವರ: ಕರ್ಕಿ ಕಂಫರ್ಟ್ ಹೋಟೆಲ್‌ನ ಎರಡನೇ ಮಹಡಿಯ ಕೊಠಡಿಯೊಂದರಲ್ಲಿ ಭಾನುವಾರ  ಜೂಜಾಟ ಆಡುತ್ತಿದ್ದ ವೇಳೆ ದಾಳಿ ನಡೆಸಿದ ಸಿಪಿಐ ಸಿದ್ಧರಾಮೇಶ್ವರ ಎಸ್.ನೇತೃತ್ವದ ಪೊಲೀಸ್ ತಂಡ ಒಟ್ಟು 6 ಆರೋಪಿಗಳನ್ನು ಬಂಧಿಸಿದೆ.

ಘಟನಾ ಸ್ಥಳದಲ್ಲಿದ್ದ ₹20,910 ನಗದು,ಇಸ್ಪೀಟ್ ಪರಿಕರಗಳು, ವಾಹನ ಹಾಗೂ ಇತರ ವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಜೂಜಾಟಕ್ಕೆ ಸಹಕರಿಸಿದ ಇತರ ಇಬ್ಬರು ಆರೋಪಿಗಳ ವಿರುದ್ಧವೂ ದೂರು ದಾಖಲಾಗಿದೆ' ಎಂದು ಪೊಲೀಸರು ತಿಳಿಸಿದ್ದಾರೆ.