ಹೊನ್ನಾವರ | ಜೇನು ನೊಣ ಕಡಿತ: ಕೂಲಿಕಾರ್ಮಿಕ ಸಾವು

ಹೊನ್ನಾವರ (ಉತ್ತರ ಕನ್ನಡ): ತಾಲ್ಲೂಕಿನ ಅನಿಲಗೋಡ ಜನತಾ ವಿದ್ಯಾಲಯದ ಹಿಂಭಾಗದ ರಸ್ತೆಯಲ್ಲಿ ಮಂಗಳವಾರ ಜೇನುನೊಣಗಳು ಕಚ್ಚಿ ಕೃಷಿ ಕೂಲಿಕಾರ್ಮಿಕ ಮಂಜುನಾಥ ಗಣಪ ಅಂಬಿಗ (53) ಮೃತಪಟ್ಟಿದ್ದಾರೆ.

‘ಅನಿಲಗೋಡ ಹೊಳೆಬದಿಕೇರಿ ನಿವಾಸಿ ಮಂಜುನಾಥ ಅವರು ಮೃತರು. ತೀವ್ರ ಅಸ್ವಸ್ಥಗೊಂಡಿದ್ದ ಅವರು ಆಸ್ಪತ್ರೆಯ ಮಾರ್ಗ ಮಧ್ಯೆಯೇ ಮೃತಪಟ್ಟರು. ಅವರೊಂದಿಗೆ ನಾಲ್ಕು ಮಂದಿ ಇದ್ದರು. ಜೇನು ನೊಣಗಳು ದಾಳಿ ನಡೆಸಿದ ಕೂಡಲೇ ಎಲ್ಲರೂ ಓಡಿ ಹೋದರು’ ಎಂದು ಮಂಕಿ ಠಾಣೆ ಪೊಲೀಸರು ತಿಳಿಸಿದ್ದಾರೆ.ರು.

‘ಜೇನು ಕಡಿತದ ಪ್ರಕರಣಗಳು ಅರಣ್ಯ ಇಲಾಖೆ ವ್ಯಾಪ್ತಿಗೆ ಬರುವುದಿಲ್ಲ’ ಎಂದು ಅರಣ್ಯ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ಮೃತರ ಕುಟುಂಬಕ್ಕೆ ಪರಿಹಾರ ಸಿಗಬೇಕು ಎಂದು ಸ್ಥಳೀಯರು ಆಗ್ರಹಿಸಿದ್ದಾರೆ.