ಹಳಿಯಾಳ:ರಾಷ್ಟ್ರ ನಾಯಕರ ಪ್ರತಿಮೆ ಸ್ವಚ್ಛತೆ

ಹಳಿಯಾಳ: ಪಟ್ಟಣದಲ್ಲಿ ಸ್ವಾತಂತ್ರ್ಯ ದಿನಾಚರಣೆ ಅಂಗವಾಗಿ ಬುಧವಾರ ಬಿಜೆಪಿಯಿಂದ ಮಹಾನ ರಾಷ್ಟ್ರ ನಾಯಕರ ಪ್ರತಿಮೆ ಹಾಗೂ ಪ್ರತಿಮೆ ಪ್ರತಿಷ್ಠಾಪಿಸಿದ ಆವರಣದ ಸುತ್ತಲೂ ಸ್ವಚ್ಛತಾ ಕಾರ್ಯ ನಡೆಸಲಾಯಿತು.

ಪಟ್ಟಣದ ಶಿವಾಜಿ ಸರ್ಕಲ್‌ ನಲ್ಲಿ ಪ್ರತಿಷ್ಠಾಪಿಸಿದ ಛತ್ರಪತಿ ಶಿವಾಜಿ ಮಹಾರಾಜರ ಪುತ್ಥಳಿ, ಬಸವೇಶ್ವರ ಸರ್ಕಲ್‌ ನಲ್ಲಿರುವ ಬಸವೇಶ್ವರ ಮಹಾರಾಜ, ವೀರ ರಾಣಿ ಚನ್ನಮ್ಮ,ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ, ಡಾ.ಬಾಬಾ ಸಾಹೇಬ ಅಂಬೇಡ್ಕರ, ಸುಭಾಷ್ ಚಂದ್ರ ಬೋಸ್ ರವರ ಪುತ್ಥಳಿಗಳನ್ನು ಸ್ವಚ್ಛಗೊಳಿಸಿದರು.

ಭಾಜಪ ಮಂಡಲ ಪ್ರಧಾನ ಕಾರ್ಯದರ್ಶಿ, ಸಂತೋಷ ಘಟಕಾಂಬಳೆ, ಪದಾದಿಕಾರಿಗಳಾದ ತಾನಾಜಿ ಪಟ್ಟೆಕರ, ಸಂಗೀತಾ ಜಾವಳೇಕರ, ಜಯಲಕ್ಷ್ಮಿ ಚೌಹಾಣ, ರತ್ನಮಾಲಾ ಮೂಳೆ, ಶಕುಂತಲಾ ಜಾಧವ, ಮಾಲಾ ಹುಂಡೇಕರ, ಉದಯ ಜಾಧವ, ಶಾಂತಾ ಹಿರೇಕರ, ರಾಜೇಶ್ವರಿ ಹಿರೇಮಠ, ರಂಜಿತಾ ನಡಹಟ್ಟಿ, ಮಹಾದೇವಿ ಬಡ್ರಣ್ಣವರ, ಪರಶುರಾಮ ಶಾಪೂರಕರ, ದೀಪಕ ಗೌಳಿ ಇದ್ದರು.