ರಾಮನವಮಿ: ತೊಟ್ಟಿಲು ಪೂಜೆ

ಕಾರವಾರ:ಜಿಲ್ಲೆಯ ವಿವಿಧೆಡೆಶನಿವಾರ ರಾಮನವಮಿಯನ್ನು ಸಂಭ್ರಮದಿಂದ ಆಚರಿಸಲಾಯಿತು. ರಾಮಮಂದಿರ, ದೇವಾಲಯಗಳಲ್ಲಿ ವಿಶೇಷ ಧಾರ್ಮಿಕ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಯಿತು.ಹಲವು ಸಂಘ ಸಂಸ್ಥೆಗಳಿಂದಪಾನಕ, ಕೋಸಂಬರಿ ವಿತರಿಸಲಾಯಿತು.

ಚಿತ್ತಾಕುಲಾ ಗ್ರಾಮದ ಸೋನಾರವಾಡದ ರಾಮಸೀತಾ ದೇವಸ್ಥಾನದಲ್ಲಿ ಮಧ್ಯಾಹ್ನ 12ಕ್ಕೆ ‘ತೊಟ್ಟಿಲು ಪೂಜೆ’ ಸಲ್ಲಿಸಲಾಯಿತು. ನೂರಾರು ಭಕ್ತರು ವಿಶೇಷ ಪೂಜೆ ಸಲ್ಲಿಸಿ ಭಕ್ತಿ ಸಮರ್ಪಿಸಿದರು. ಮಹಿಳೆಯರು ಸಾಂಪ್ರದಾಯಿಕ ಶೈಲಿಯಲ್ಲಿ ರಾಮನ ವಿಗ್ರಹವನ್ನು ತೂಗಿ ಜೋಗುಳ ಹಾಡಿದರು. ದೇವಸ್ಥಾನದಲ್ಲಿ ರಾಮನಾಮ ಜಪ, ಪಂಚಾಮೃತ ಅಭಿಷೇಕ, ಹೂವಿನ ಪೂಜೆ, ಮಹಾ ಮಂಗಳಾರತಿ ನೆರವೇರಿಸಲಾಯಿತು.