ವಾನಳ್ಳಿ ಕೆರೆಗದ್ದೆ: ಗುಂಡು ಹಾರಿ ವಿದ್ಯಾರ್ಥಿ ಸಾವು

ಶಿರಸಿ: ಮಂಗಳವಾರ ಸಂಜೆ ಬಂದೂಕು ಲೋಡ್ ಮಾಡುವ ವೇಳೆ ಆಕಸ್ಮಿಕ ಗುಂಡು ಹಾರಿ ತಾಲೂಕಿನ ವಾನಳ್ಳಿ ಕೆರೆಗದ್ದೆಯಲ್ಲಿ ಕಾಲೇಜು ವಿದ್ಯಾರ್ಥಿ ಮೃತಪಟ್ಟಿದ್ದಾರೆ.

ಕಾರ್ತೀಕ ಹೆಗಡೆ (17) ಮೃತ ವಿದ್ಯಾರ್ಥಿ. ಕೃಷಿ ಬೆಳೆಯ ರಕ್ಷಣೆಗಾಗಿ ಮನೆಯಲ್ಲಿ ಪರವಾನಗಿ ಹೊಂದಿರುವ ಬಂದೂಕು ಇತ್ತು.

ಮನೆ ಸಮೀಪ ಬಂದಿದ್ದ ಮಂಗನನ್ನು ಹೆದರಿಸಲು ಈ ಬಂದೂಕು ಲೋಡ್ ಮಾಡುವ ವೇಳೆ ಈ ಘಟನೆ ನಡೆದಿದೆ. ಗ್ರಾಮೀಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.