ಗೋಕರ್ಣ: ವಟವೃಕ್ಷಕ್ಕೆ ಮಹಿಳೆಯರ ನಮನ

ಗೋಕರ್ಣ: ಗೋಕರ್ಣದಲ್ಲಿ ಮಹಿಳೆಯರು ಜ್ಯೇಷ್ಠ ಹುಣ್ಣಿಮೆಯ ದಿನವಾದ ಮಂಗಳವಾರ ಸಂಭ್ರಮದಿಂದ ವಟ ಸಾವಿತ್ರಿ ವ್ರತ ಆಚರಿಸಿದರು.

ಬೆಳಿಗ್ಗೆಯಿಂದಲೇ ವಿವಾಹಿತ ಮಹಿಳೆಯರು 300 ವರ್ಷಕ್ಕೂ ಹೆಚ್ಚು ಇತಿಹಾಸವಿರುವ ಗಾಯತ್ರಿ ಪರ್ವತದ ತಪ್ಪಲಿನಲ್ಲಿರುವ ವಟವೃಕ್ಷಕ್ಕೆ ಪೂಜೆ ಸಲ್ಲಿಸಿದರು.

ಕೆಲವು ವೈದಿಕರು ಪೂಜೆ ನಡೆಸಿ ಕೊಟ್ಟರು. ಮಳೆ ಸ್ವಲ್ಪ ಬಿಡುವು ನೀಡಿದ್ದರಿಂದ ಮಹಿಳೆಯರು ಉತ್ಸಾಹದಿಂದ ಪೂಜೆಯಲ್ಲಿ ಪಾಲ್ಗೊಂಡು ಸಂಭ್ರಮಿಸಿದರು. ಪರಸ್ಪರ ಅರಿಸಿಣ–ಕುಂಕುಮ ವಿನಿಮಯ ಮಾಡಿಕೊಂಡರು.