SSLC Result 2025: ರಶ್ಮಿಗೆ ಶೇ 98.72 ಅಂಕ

ಕೂಡ್ಲಿಗಿ: ಶುಕ್ರವಾರ ಪ್ರಕಟವಾದ ಎಸ್ಎಸ್ಎಲ್‌ಸಿ ಫಲಿತಾಂಶದಲ್ಲಿ ತಾಲ್ಲೂಕಿನ ಹಿರೇಹೆಗ್ಡಾಳ್ ಕಿತ್ತೂರು ರಾಣಿ ಚನ್ನಮ್ಮ ವಸತಿ ಶಾಲೆ ಉತ್ತಮ ಸಾಧನೆ ಮಾಡಿದೆ.

ಶಾಲೆಯ ಒಟ್ಟು 51 ವಿದ್ಯಾರ್ಥಿನಿಯರು ಪರೀಕ್ಷೆ ಬರೆದಿದ್ದು, ಅವರಲ್ಲಿ 23 ಬಾಲಕಿಯರು ಎ+, 20 ಬಾಲಕಿಯರು ಎ, 6 ವಿದ್ಯಾರ್ಥಿನಿಯರು ಬಿ+ ಹಾಗೂ ಬಿ ಶ್ರೇಣಿಯಲ್ಲಿ ತೇರ್ಗಡೆಯಾಗಿದ್ದಾರೆ.

ರಶ್ಮಿ ಆರಾಧ್ಯಮಠ (ಶೇ 98.72), ಯಶಸ್ವನಿ (98.56) ಕ್ರಮವಾಗಿ ಮೊದಲೆರಡು ಸ್ಥಾನ ಪಡೆದಿದ್ದು, ಇತರೆ 8 ವಿದ್ಯಾರ್ಥಿನಿಯರು ಶೇ 95ಕ್ಕಿಂತ ಹೆಚ್ಚು ಅಂಕ ಪಡೆದಿದ್ದಾರೆ. ಇವರನ್ನು ಶಾಲೆಯ ಪ್ರಾಚಾರ್ಯ ಕೆ. ನಾಗರಾಜ ಹಾಗೂ ಸಿಬ್ಬಂದಿ ಅಭಿನಂದಿಸಿದ್ದಾರೆ.