ಹರಪನಹಳ್ಳಿ | ವೇಶ್ಯಾವಾಟಿಕೆ ಮನೆ ಮೇಲೆ‌ ದಾಳಿ: 6 ಮಂದಿ ಬಂಧನ, ಮಹಿಳೆಯ ರಕ್ಷಣೆ

ಹರಪನಹಳ್ಳಿ (ವಿಜಯನಗರ ಜಿಲ್ಲೆ ): ವೇಶ್ಯಾವಾಟಿಕೆಯಲ್ಲಿ ತೊಡಗಿದ್ದ ಮನೆಯ ಮೇಲೆ ಗುರುವಾರ ದಾಳಿ ನಡೆಸಿದ ಪೊಲೀಸರು, ಆರು ಜನರನ್ಬು ಬಂಧಿಸಿ, ಒಬ್ಬ‌ ಮಹಿಳೆಯನ್ನು ರಕ್ಷಿಸಿದ್ದಾರೆ.

ಪಟ್ಟಣದ ಕೆಎಚ್ ಬಿ ಬಡಾವಣೆಯ ಇಬ್ಬರು ನಿವಾಸಿಗಳು ಹಾಗೂ ಮನೆಗೆ ಬಂದಿದ್ದ ಕೊಟ್ಟೂರು, ಕೂಡ್ಲಿಗಿ ಮೂಲದ ನಾಲ್ಕು ಜನರನ್ನು ವಶಕ್ಕೆ ಪಡೆಯಲಾಗಿದೆ. ಹಾಗೂ ಶಿವಮೊಗ್ಗ ಮೂಲದ‌ ಮಹಿಳೆಯನ್ನು ರಕ್ಷಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಡಿವೈಎಸ್ಪಿ ವೆಂಕಟಪ್ಪ ನಾಯಕ‌ ಮಾರ್ಗದರ್ಶನದಲ್ಲಿ ಸಿಪಿಐ ನಾಗರಾಜ್‌ ಎಂ ಕಮ್ಮಾರ, ಪಿಎಸ್ಐ ಶಂಭುಲಿಂಗ ಸಿ ಹಿರೇಮಠ ಅವರ‌‌‌ ತಂಡದ‌ ಕಾರ್ಯಾಚರಣೆಗ ನಡೆಸಿತ್ತು. ತಂಡದ ಪ್ರಯತ್ನವನ್ನು ಎಸ್ಪಿ ಶ್ರೀಹರಿಬಾಬು ಬಿ.ಎಲ್. ಶ್ಲಾಘಿಸಿದ್ದಾರೆ.