ಕೊಟ್ಟೂರು: ಮಾರಕಾಸ್ತ್ರಗಳಿಂದ ಬೆದರಿಸಿ 30 ಲಕ್ಷ ದರೋಡೆ

ಕೊಟ್ಟೂರು: ಪಟ್ಟಣದ ಉಜ್ಜಯಿನಿ ರಸ್ತೆಯ ಬಸವೇಶ್ವರ ನಗರದ ಮನೆಯೊಂದರಲ್ಲಿ ಭಾನುವಾರ ರಾತ್ರಿ ಕಳ್ಳತನವಾಗಿದೆ.

ಭಾನುವಾರ ರಾತ್ರಿ 8-45 ರ ಸುಮಾರಿಗೆಕಾರಿನಲ್ಲಿ ಬಂದ ಕಳ್ಳರ ತಂಡ ಸೀಡ್ಸ್ ಕಂಪನಿಯ ಮಾಲಿಕ ಹುಲಮನಿ ಮಲ್ಲೇಶಪ್ಪ ಅವರ ನಿವಾಸಕ್ಕೆ ನುಗ್ಗಿ ಮಾರಕಾಸ್ತ್ರ ಗಳಿಂದ ದಂಪತಿಗಳನ್ನ ಬೆದರಿಸಿ 30ಲಕ್ಷ ಹಣ ಹಾಗೂ 4 ತೊಲ ಬಂಗಾರದ ಆಭರಣಗಳನ್ನು ದೋಚಿ ಅವರನ್ನು ಮನೆಯೊಳಗೆ ಕೂಡಿಹಾಕಿ ಪರಾರಿಯಾಗಿದ್ದಾರೆ.

ಡಿವೈಎಸ್ಪಿ ಎಸ್.ಹಾಲಮೂರ್ತಿರಾವ್, ಸಿಪಿಐ ದೊಡ್ಡಣ್ಣ, ಪಿಎಸ್ಐ ನಾಗಪ್ಪ, ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ, ಪಟ್ಟಣದ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.