ಪುನೀತ್ ಪೋಸ್ಟರ್‌ಗೆ ಹಾಲಿನ ಅಭಿಷೇಕನಾಲ್ಕು ಚಿತ್ರಮಂದಿರಗಳಲ್ಲಿ ‘ಯುವರತ್ನ’
Published 1 ಏಪ್ರಿಲ್ 2021, 7:51 IST
ಹೊಸಪೇಟೆಯ ಬಾಲಾ ಚಿತ್ರಮಂದಿರದಲ್ಲಿ ನಟ ಪುನೀತ್ ರಾಜಕುಮಾರ ಕಟೌಟ್, ಚಿತ್ರದ ಪೋಸ್ಟರ್‌ಗೆ ಅವರ ಅಭಿಮಾನಿಗಳು ಬುಧವಾರ ರಾತ್ರಿ ಹೂಮಾಲೆ ಹಾಕಿ ಅಭಿಮಾನ ತೋರಿದರು
ಹೊಸಪೇಟೆ (ವಿಜಯನಗರ): ಬಹುನಿರೀಕ್ಷಿತ ‘ಯುವರತ್ನ’ ಕನ್ನಡ ಚಲನಚಿತ್ರ ಗುರುವಾರ ರಾಜ್ಯದಾದ್ಯಂತ ತೆರೆ ಕಾಣಲಿದ್ದು, ನಗರದ ನಾಲ್ಕು ಚಿತ್ರಮಂದಿರಗಳಲ್ಲೂ ಪ್ರದರ್ಶನಗೊಳ್ಳಲಿದೆ.
ಬಾಲಾ ಚಿತ್ರಮಂದಿರದಲ್ಲಿ ಗುರುವಾರ ಬೆಳಿಗ್ಗೆ 6ಕ್ಕೆ ಚಿತ್ರ ಪ್ರದರ್ಶನವಾಗಲಿದೆ. ಬುಧವಾರ ರಾತ್ರಿ ಪುನೀತ್ ರಾಜಕುಮಾರ ಅಭಿಮಾನಿಗಳು ಚಿತ್ರಮಂದಿರದ ಮುಂದೆ ಕಟೌಟ್ ನಿಲ್ಲಿಸಿ, ಹಾರ ಹಾಕಿ ಅವರ ಪರ ಜಯಘೋಷ ಹಾಕಿ ಅಭಿಮಾನ ತೋರಿದರು.
ಇನ್ನೊಂದೆಡೆ ಅಪ್ಪು ಬ್ರಿಗೇಡಿನ ಯುವಕರು ಸಂಜೆ ಚಿತ್ರದ ಪೋಸ್ಟರಿಗೆ ಹಾಲಿನ ಅಭಿಷೇಕ ಮಾಡಿ, ಪಟಾಕಿ ಸಿಡಿಸಿದರು. ಇನ್ನುಳಿದ ಚಿತ್ರಮಂದಿರಗಳಲ್ಲಿ ಬೆಳಿಗ್ಗೆ 7, 9ಕ್ಕೆ ಚಿತ್ರ ಪ್ರದರ್ಶನವಾಗಲಿದೆ. ಗುರುವಾರದ ಎಲ್ಲ ಪ್ರದರ್ಶನಗಳ ಟಿಕೆಟ್‌ಗಳು ಈಗಾಗಲೇ ಮಾರಾಟವಾಗಿವೆ ಎಂದು ಚಿತ್ರಮಂದಿರದ ಸಿಬ್ಬಂದಿ ತಿಳಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.