ಶೌಚಾಲಯ, ನೀರಿನ ಸಮಸ್ಯೆ ಪರಿಹಾರಕ್ಕೆ ಆಗ್ರಹ

ಇಂಡಿ: ಇಂಡಿಯ ಖೇಡ ಕಾಲೊನಿಯಲ್ಲಿ ಪುರುಷ ಮತ್ತು ಮಹಿಳೆಯರಿಗೆ ಪ್ರತ್ಯೇಕ ಸಾರ್ವಜನಿಕ ಶೌಚಾಲಯ ನಿರ್ಮಿಸಲು ಹಾಗೂ ಕುಡಿಯುವ ನೀರಿನ ಸಮಸ್ಯೆ ಪರಿಹಾರಕ್ಕೆ ಆಗ್ರಹಿಸಿ ಕಾಲೊನಿ ನಿವಾಸಿಗಳು ಈಚೆಗೆ ಪುರಸಭೆ ಎದುರು ಪ್ರತಿಭಟನೆ ನಡೆಸಿ, ಅಧ್ಯಕ್ಷ ಶ್ರೀಕಾಂತ ಕುಡಿಗನೂರಗೆ ಮನವಿ ಸಲ್ಲಿಸಿದರು.

ಎಂ.ಬಿ.ಮಾಣಿಕ ಮಾತನಾಡಿ, ಪಟ್ಟಣದ ಖೇಡ ಕಾಲೊನಿಯಲ್ಲಿ ಮಹಿಳೆಯರಿಗೆ ಮತ್ತು ಪುರುಷರಿಗೆ ಪ್ರತ್ಯೇಕ ಶೌಚಾಲಯಗಳಿಲ್ಲದ ಕಾರಣ ಒಂದೇ ಬಯಲು ಸ್ಥಳದಲ್ಲಿ ಶೌಚಾಲಯಕ್ಕೆ ಹೋಗುವ ದುಸ್ಥಿತಿ ಉಂಟಾಗಿದೆ. ಹೀಗಾಗಿ ಕೂಡಲೇ ಪುರಸಭೆ ಇತ್ತ ಕಡೆ ಗಮನ ನೀಡಿ 15 ದಿನಗಳಲ್ಲಿ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಬೇಕು. ಇಲ್ಲದಿದ್ದರೇ ಉಗ್ರವಾದ ಹೋರಾಟ ನಡೆಸಬೇಕಾಗುತ್ತದೆ ಎಂದು ಎಚ್ಚರಿಸಿದರು.

ರಾಮಚಂದ್ರ ಐರೊಡಗಿ, ಶಂಕರ ಹೂಗಾರ, ಅಂಬಣ್ಣ ಐರೊಡಗಿ, ಮಾದೇವ ದಂಡವತೆ, ಸುರೇಶ ಅರಬಳ್ಳಿ, ಅರ್ಜುನ ಕ್ಷತ್ರಿ, ಸೀತಾಬಾಯಿ ಮಾದರ, ನಿಂಗಪ್ಪ ಪೂಜಾರಿ, ಕಸ್ತೂರಿ ರಾಠೋಡ, ಸಾಬವ್ವ ಪೂಜಾರಿ, ಲಕ್ಷಿಂಬಾಯಿ ಆಕಳವಾಡಿ, ಶಾರದಾ ಕುಂಬಾರ, ಮೀರಮ್ಮ ಶೇಖ, ಬಾನು ಅಥಣಿಕರ, ನೀಲಬಾಯಿ ಪೂಜಾರಿ, ರೂಪಾ ಕನ್ನೊಳ್ಳಿ, ಶೋಭಾ ಐರೊಡಗಿ, ಗೋದಾಬಾಯಿ ಕ್ಷತ್ರಿ, ಭವರಮ್ಮ ಕರೂಟಿ ಉಪಸ್ಥಿತರಿದ್ದರು.