ಸೈಕ್ಲಿಂಗ್ ವೆಲ್ಲೊಡ್ರೋಮ್‌ಗೆ 2 ಕೋಟಿ ಮಂಜೂರು

ವಿಜಾಪುರ: ವಿಜಾಪುರ ನಗರದಲ್ಲಿ ಸೈಕ್ಲಿಂಗ್ ವೆಲ್ಲೊಡ್ರೋಮ್ ನಿರ್ಮಾಣಕ್ಕೆ ಮೊದಲ ಕಂತಿನಲ್ಲಿ  2 ಕೋಟಿಗೆ ರೂಪಾಯಿಗೆ ಸರ್ಕಾರ ಮಂಜೂರಾತಿ ನೀಡಿದೆ ಎಂದು ಯುವಜನ ಸೇವಾ ಮತ್ತು ಕ್ರೀಡಾ ಇಲಾಖೆಯ ಸರ್ಕಾರದ ಅಧೀನ ಕಾರ್ಯದರ್ಶಿ ಶ್ರಿನಿವಾಸ್ ತಿಳಿಸಿದ್ದಾರೆ.

ವಿಜಾಪುರದಲ್ಲಿ ಸೈಕ್ಲಿಂಗ್ ವೆಲ್ಲೊಡ್ರೋಮ್ ನಿರ್ಮಿಸುವ  4.23 ಕೋಟಿ ರೂಪಾಯಿ ಕಾಮಗಾರಿಗೆ ಆಡಳಿತಾತ್ಮಕ ಅನುಮೋದನೆ ನೀಡಲಾಗಿದೆ.

ಈ ಮೊತ್ತದ ಪೈಕಿ ಮೊದಲನೇ ಕಂತಾಗಿ  2 ಕೋಟಿ ರೂಪಾಯಿಗೆ  ಸರ್ಕಾರ ಮಂಜೂರಾತಿ ನೀಡಿದೆ ಎಂದು ಅವರು ಹೇಳಿದ್ದಾರೆ.

ನಗರದ ಸೈಕ್ಲಿಂಗ್ ವೆಲ್ಲೊಡ್ರೋಮ್‌ಗೆ ಹಣ ಮಂಜೂರು ಮಾಡಿಸಿದ ಸಚಿವ ಅಪ್ಪಚ್ಚು ರಂಜನ್ ಅವರಿಗೆ ಜಿಲ್ಲಾ ಸೈಕ್ಲಿಂಗ್ ಸಂಸ್ಥೆಯ ಅಧ್ಯಕ್ಷ ರಾಜು ಬಿರಾದಾರ ಕೃತಜ್ಞತೆ ಸಲ್ಲಿಸಿದ್ದಾರೆ.