ವಿಜಯಪುರ | ವಾಹನಗಳ ನಡುವೆ ಸರಣಿ ಅಪಘಾತ: ಜೀಪ್‌ ಚಾಲಕ ಸಾವು

ವಿಜಯಪುರ: ತಾಲ್ಲೂಕಿನ ಹೊನಗನಹಳಿ ಬಳಿ ಶ್ರೀ ಮಂಗಮ್ಮಾಯಿ ದೇವಾಲಯದ ಹತ್ತಿರ ವಿಜಯಪುರ–ಹುಬ್ಬಳ್ಳಿ ರಾಷ್ಟ್ರೀಯ ಹೆದ್ದಾರಿ 52ರಲ್ಲಿ ಬುಧವಾರ ಸಂಜೆ ವಾಹನಗಳ ನಡುವೆ ಸರಣಿ ಅಪಘಾತ ಸಂಭವಿಸಿದ್ದು, ವ್ಯಕ್ತಿಯೊಬ್ಬ ಸಾವಿಗೀಡಾಗಿದ್ದಾರೆ.

ವಾಯವ್ಯ ರಸ್ತೆ ಸಾರಿಗೆ ಸಂಸ್ಥೆ ಬಸ್‌ ಮತ್ತು ಬುಲೆರೊ ಜೀಪ್‌ ಮುಖಾಮುಖಿ ಡಿಕ್ಕಿಯಾಗಿದ್ದು, ಬುಲೆರೊ ಜೀಪ್‌ ಚಾಲಕ ಸ್ಥಳದಲ್ಲೇ ಸಾವಿಗೀಡಾಗಿದ್ದಾರೆ. ಈ ಅಪಘಾತ ನಡೆದ ಸಂದರ್ಭದಲ್ಲೇ ಹಿಂದಿನಿಂದ ಬಂದ ಮಹಾರಾಷ್ಟ್ರದ ಎರ್ಟಿಗಾ ಕಾರೊಂದು ಬಸ್ಸಿಗೆ ಡಿಕ್ಕಿ ಹೊಡೆದಿದೆ. ಡಿಕ್ಕಿಯ ರಭಸಕ್ಕೆ ಬೊಲೇರೊ, ಸಾರಿಗೆ ಬಸ್‌ ಮತ್ತು ಕಾರು ಸೇರಿದಂತೆ ಮೂರು ವಾಹನಗಳು ನುಜ್ಜುಗುಜ್ಜಾಗಿದೆ.

ಅಪಘಾತದ ಕಾರಣಕ್ಕೆ ಹೆದ್ದಾರಿಯಲ್ಲಿ ವಾಹನಗಳ ಸಂಚಾರಕ್ಕೆ ಕೆಲ ಹೊತ್ತು ವ್ಯತ್ಯಯವಾಯಿತು.