ಗೋವಾ ಮದ್ಯ ವಶ: ಇಬ್ಬರ ಬಂಧನ

ವಿಜಯಪುರ: ತಾಲ್ಲೂಕಿನ ಅಲಿಯಾಬಾದ್‌ ಗ್ರಾಮದ ಹತ್ತಿರ ಟಾಟಾ ಸುಮೋ ವಾಹನದಲ್ಲಿ ಅಕ್ರಮವಾಗಿ ಸಾಗಿಸಲಾಗುತ್ತಿದ್ದ 10 ಬಾಕ್ಸ್‌ ಗೋವಾ ಮದ್ಯವನ್ನು ಅಬಕಾರಿ ಸಿಬ್ಬಂದಿ ವಶ ಪಡಿಸಿಕೊಂಡಿದ್ದಾರೆ.

ಆರೋಪಿಗಳಾದ ಕೃಷ್ಣಾ ಕರಪೆ, ಬೀರು ಮಾನವರ ಎಂಬುವವರನ್ನು ವಶಕ್ಕೆ ಪಡೆದು, ನ್ಯಾಯಾಲಯಕ್ಕೆ ಹಾಜರು ಪಡಿಸಿದ್ದಾರೆ.ಆರೋಪಿಗಳಿಂದ ವಶಪಡಿಸಿಕೊಂಡ ಗೋವಾ ಮದ್ಯ ಮತ್ತು ಕಾರ್ ನ ಅಂದಾಜು ಮೊತ್ತ ₹ 4.80 ಲಕ್ಷ ಇದೆ ಎಂದುವಿಜಯಪುರ ಉಪ-ಆಯುಕ್ತರ ಕಚೇರಿ ಅಬಕಾರಿ ನಿರೀಕ್ಷಕಮಹಾದೇವ ಪೂಜಾರಿತಿಳಿಸಿದ್ದಾರೆ.

ದಾಳಿಯಲ್ಲಿ ಅಬಕಾರಿ ಕಾನ್‌ಸ್ಟೆಬಲ್‌ಗಳಾದ ಭೀಮಣ್ಣ ಕುಂಬಾರ ಮತ್ತು ಈರಣ್ಣ ಹಟ್ಟಿ ಹಾಗೂ ಪರಶುರಾಮ ತೆಲಗಿ ಪಾಲ್ಗೊಂಡಿದ್ದರು.