‘ಲಿಂಗಾಯತ ಮಠಗಳ ಸೇವೆ ಅನನ್ಯ’

ವಿಜಯಪುರ: ಲಿಂಗಾಯತ ಮಠಗಳು ಶಿಕ್ಷಣ ಪ್ರಸಾರದಲ್ಲಿ ಪ್ರಮುಖ ಪಾತ್ರವಹಿಸುವ ಮೂಲಕ ಸಾಕ್ಷರತೆ ಪ್ರಮಾಣವನ್ನು ಹೆಚ್ಚಿಸಿವೆ ಎಂದು ವೀರಶೈವ ಮಹಾಸಭೆ ಜಿಲ್ಲಾ ಘಟಕದ ಅಧ್ಯಕ್ಷ ವಿ.ಸಿ. ನಾಗಠಾಣ ಹೇಳಿದರು.

ಶರಣ ಸಾಹಿತ್ಯ ಪರಿಷತ್ತಿನ ಸಂಸ್ಥಾಪಕ ಡಾ. ರಾಜೇಂದ್ರ ಮಹಾಸ್ವಾಮಿಗಳ ಜನ್ಮ ದಿನದ ಪ್ರಯುಕ್ತ ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಅವರು ಮಾತನಾಡಿದರು.

ಧರ್ಮ, ಆಧ್ಯಾತ್ಮ, ಸಾಹಿತ್ಯ, ಸಂಸ್ಕೃತಿ ಮತ್ತು ಶಿಕ್ಷಣ ಕ್ಷೇತ್ರಗಳಲ್ಲಿ ಲಿಂಗಾಯತ ಮಠಗಳು ಅನುಪಮ ಸೇವೆ ಸಲ್ಲಿಸಿವೆ ಎಂದರು.

ಶರಣ ಸಾಹಿತ್ಯ ಪರಿಷತ್ತಿನ ಜಿಲ್ಲಾ ಘಟಕದ ಅಧ್ಯಕ್ಷಜಂಬುನಾಥ ಕಂಚ್ಯಾಣಿ ಮಾತನಾಡಿ, ವಚನಗಳಲ್ಲಿನ ತತ್ವ ಸಿದ್ದಾಂತಗಳನ್ನು ಪ್ರಸಾರ ಹಾಗೂ ಅನುಷ್ಠಾನಗೊಳಿಸುವುದಕ್ಕಾಗಿ ಶರಣ ಸಾಹಿತ್ಯ ಪರಿಷತ್‌ ಶ್ರಮಿಸುತ್ತಿದೆ ಎಂದರು.

ಪರಿಷತ್ತಿನ ನಿಕಟ ಪೂರ್ವ ಅಧ್ಯಕ್ಷ ಮ.ಗು. ಯಾದವಾಡ, ದಾಸೋಹಿ ಬಿ.ಎಚ್. ಬಾದರಬಂಡಿ,ಆರ್.ಎಸ್. ಪಟ್ಟಣಶೆಟ್ಟಿ, ಯಮನೂರಪ್ಪ ಅರಬಿ, ದಾಕ್ಷಾಯಣಿ ಬಿರಾದಾರ, ರಾಜಶೇಖರ ಉಮರಾಣಿ, ಡಾ. ಬಿ.ಎಸ್. ಪಡಗಾನೂರ, ಎಸ್.ವೈ. ಗದಗ, ಎಂ.ಐ. ಕುಮಟಗಿ, ಎಂ.ಎಂ. ಅಂಗಡಿ, ಡಾ. ವಿ.ಡಿ. ಐಹೊಳ್ಳಿ, ಡಾ. ಉಷಾ ಹಿರೇಮಠ, ಕಮಲಾಕ್ಷಿ ಮುರಾಳ, ಅಮರೇಶ ಸಾಲಕ್ಕಿ, ಶಿವಾಜಿ ಮೋರೆ ಇದ್ದರು.