ಆರ್.ಅಶೋಕ್, ವಿಜಯೇಂದ್ರಗೆ ಗ್ಯಾರಂಟಿ ಯೋಜನೆ ಬೇಕೆ: ಎಂ.ಬಿ ಪಾಟೀಲ ಪ್ರಶ್ನೆ

ವಿಜಯಪುರ: ‘ಗ್ಯಾರಂಟಿ ಯೋಜನೆಗಳನ್ನು ಶ್ರೀಮಂತರು ಬಿಡಬೇಕು. ನನಗೆ, ಆರ್. ಅಶೋಕ ಮತ್ತು ವಿಜಯೇಂದ್ರಗೆ ಈ  ಯೋಜನೆಗಳು ಬೇಕೆ? ಶ್ರೀಮಂತರು ಸ್ವಯಂ ಪ್ರೇರಿತವಾಗಿ ಈ ಯೋಜನೆಗಳನ್ನು ಬಿಡಬೇಕು’ ಎಂದು ಸಚಿವ ಎಂ.ಬಿ. ಪಾಟೀಲ ಹೇಳಿದರು.

‘ಬಿಪಿಎಲ್ ಇದ್ದವರಿಗೆ ಈ ಯೋಜನೆಗಳು ಜಾರಿಯಲ್ಲಿರಲಿ. ಶ್ರೀಮಂತರಿಗೆ ಈ ಯೋಜನೆ ಬೇಡ, ಉಳ್ಳವರು ಶಿವಾಲಯ ಕಟ್ಟುತ್ತಾರೆ ಎಂದು ಬಸವಣ್ಣ ಹೇಳಿದ್ದಾರೆ, ಹೀಗಾಗಿ ಉಳ್ಳವರು ಸ್ವಯಂ ಪ್ರೇರಿತವಾಗಿಯೇ ಈ ಯೋಜನೆಯನ್ನು ಕೈ ಬಿಡಬೇಕು’ ಎಂದು ಅವರು ಸೋಮವಾರ ಸುದ್ದಿಗಾರರಿಗೆ ತಿಳಿಸಿದರು.