ಕೊಲ್ಹಾರ: ನಮ್ಮೂರ ಗುರುಮಠ ಜಾತ್ರಾ ಮಹೋತ್ಸವ

ಕೊಲ್ಹಾರ: ಪಟ್ಟಣದ ರಾಜಗುರು ಹಿರೇಪಟ್ಟದೇವರ ಶೀಲವಂತ ಹಿರೇಮಠದ ನಮ್ಮೂರ ಗುರುಮಠ ಜಾತ್ರಾ ಮಹೋತ್ಸವವನ್ನು ಫೆ.25 ಮತ್ತು ಫೆ. 26ರಂದು ಹಮ್ಮಿಕೊಳ್ಳಲಾಗಿದೆ.

25ರಂದು ಬೆಳಿಗ್ಗೆ 10 ಗಂಟೆಗೆ ಪಟ್ಟಣದ ರಾಜ ಬೀದಿಗಳಲ್ಲಿ ರಾಜಗುರು ಹಿರೇಪಟ್ಟದೇವರು ಶ್ರೀ ಗುರುಸಿದ್ದೇಶ್ವರ ಶಿವಾಚಾರ್ಯ ಮಹಾಸ್ವಾಮಿಗಳವರ ಉತ್ಸವ ಮೂರ್ತಿಯ ಅಡ್ಡಪಲ್ಲಕ್ಕಿ ಉತ್ಸವ ಕುಂಭಮೇಳ, ಪುರವಂತರ ಸೇವೆ ಹಾಗೂ ಪ್ರಯಾಗ ರಾಜ ತ್ರಿವೇಣಿ ಸಂಗಮದ ಮಹಾಕುಂಭ ಮೆರವಣಿಗೆ ಉತ್ಸವ ನಡೆಯುವುದು.

‘26ರಂದು ಬೆಳಿಗ್ಗೆ 11 ಗಂಟೆಗೆ ಮಹಾಶಿವರಾತ್ರಿ ಮಹೋತ್ಸವ 1008 ಶಿವಲಿಂಗಗಳ ದರ್ಶನ, ಮಹಿಳೆಯರ ಉಡಿ ತುಂಬುವ ಕಾರ್ಯಕ್ರಮ, ಜನಜಾಗೃತಿ ಧರ್ಮಸಭೆ ನಂತರ ಮಹಾರಥೋತ್ಸವ ಜರುಗುವುದು’ ಎಂದು ಶ್ರೀಮಠದ ಕೈಲಾಸನಾಥ ಮಹಾಸ್ವಾಮಿಗಳು ತಿಳಿಸಿದರು.