ಗ್ರಾಮೀಣಾಭಿವೃದ್ಧಿಗೆ ಆದ್ಯತೆ: ಶಾಸಕ ವಿಠಲ ಕಟಕದೊಂಡ

ಹೊರ್ತಿ: ‘ಗ್ರಾಮದ ಮೂಲ ಸೌಕರ್ಯಕ್ಕೆ ಆದ್ಯತೆ ನೀಡಿ ಅಭಿವೃದ್ಧಿಗೆ ಕ್ರಮ ಕೈಗೊಳ್ಳಲಾಗುತ್ತಿದೆ’ ಎಂದು ನಾಗಠಾಣ ಶಾಸಕ ವಿಠಲ ಕಟಕದೊಂಡ ಹೇಳಿದರು.

ಸಮೀಪದ ದೇವರ ನಿಂಬರಗಿ-ದುಮಕನಾಳ 3 ಕೀ.ಮಿ ಹದಗೆಟ್ಟ ರಸ್ತೆಯ ದುರಸ್ತಿ ಕಾಮಗಾರಿಗೆ ಗುರುವಾರ ಭೂಮಿಪೂಜೆ ನೆರವೇರಿಸಿ ಮಾತನಾಡಿದ ಅವರು, ‘ಇನ್ನೂ ಮುಂದೆ ಹಲವು ಯೋಜನೆಗಳ ಅಭಿವೃದ್ಧಿ ಪರ್ವವೇ ಕಾರ್ಯಾರಂಭಗೊಳ್ಳಲಿವೆ’ ಎಂದರು.

ಗ್ರಾಮ ಪಂಚಾಯಿತಿ ಮಾಜಿ ಅಧ್ಯಕ್ಷ ರಾಜು ಸಿಂಗೆ, ಚಡಚಣ ತಾಲ್ಲೂಕು ಪಂಚ ಗ್ಯಾರಂಟಿ ಯೋಜನೆಯ ಅಧ್ಯಕ್ಷ ರವಿದಾಸ ಜಾಧವ, ಬಸವರಾಜ ಲವಗಿ, ಮಸ್ತಾಕ ಮುಲ್ಲಾ, ಚಾಂದಸಾಹೇಬ ಗುಳೇಕಾರ, ಓಗೆಪ್ಪ ಬಿರಾದಾರ, ದೇವರ ನಿಂಬರಗಿ ಗ್ರಾಮ ಪಂಚಾಯಿತಿ ಅಧ್ಯಕ್ಷ ಭೀಮುಗೌಡ ಬಿರಾದಾರ ಹಾಗೂ ಗ್ರಾಮ ಪಂಚಾಯಿತಿ ಸದಸ್ಯರು, ಸಿಬ್ಬಂದಿ ಮತ್ತು ಗ್ರಾಮಸ್ಥರು ಇದ್ದರು.