ಶಹಾಪುರ: 19 ಗೃಹ ಬಳಕೆ ಅಡುಗೆ ಸಿಲಿಂಡರ್ ಜಪ್ತಿ

ಶಹಾಪುರ: ನಗರದ ಹೊಟೇಲ್, ರೆಸ್ಟೊರೆಂಟ್, ಡಾಬಾ, ಖಾನಾವಳಿ ಸೇರಿದಂತೆ 10 ವಿವಿಧ ಮಳಿಗೆಯ ಮೇಲೆ ಆಹಾರ ನಿರೀಕ್ಷಕ ಬಸವರಾಜ ಪತ್ತಾರ ಹಾಗೂ ಆಹಾರ ಶಿರಸ್ತೆದಾರ ಅಪ್ಪಯ್ಯ ಹಿರೇಮಠ ನೇತೃತ್ವದಲ್ಲಿ ಸೋಮವಾರ ದಾಳಿ ಮಾಡಿ 19 ಗೃಹ ಬಳಕೆ ಅಡುಗೆ ಸಿಲಿಂಡರ್‌ಗಳನ್ನು ಜಪ್ತಿ ಮಾಡಿಕೊಂಡಿದ್ದಾರೆ.

ಸಾರ್ವಜನಿಕವಾಗಿ ದೂರು ಕೇಳಿ ಬಂದ ಹಿನ್ನಲೆಯಲ್ಲಿ ಆಹಾರ ಇಲಾಖೆ ದಾಳಿ ನಡೆಸಿದೆ.

ನಗರದಲ್ಲಿ ವಿವಿಧ ಮಳಿಗೆಯಲ್ಲಿ ರಾಜಾರೋಷವಾಗಿ ಗೃಹ ಬಳಕೆ ಅಡುಗೆ ಸಿಲಿಂಡರ್ ಉಪಯೋಗಿಸುತ್ತಿದ್ದಾರೆ. ಇದನ್ನು ತಡೆಗಟ್ಟಬೇಕು ಎಂದು ಜಿಲ್ಲಾಧಿಕಾರಿಗೆ ಮನವಿ ಮಾಡಿದ್ದೇವೆ ಎಂದು ಸಿಪಿಐ (ಎಂ) ಜಿಲ್ಲಾ ಅಧ್ಯಕ್ಷ ಚೆನ್ನಪ್ಪ ಆನೇಗುಂದಿ ತಿಳಿಸಿದ್ದಾರೆ.