ಸೂರ್ಯನ ಸುತ್ತ ಮೂಡಿದ ಕಾಮನಬಿಲ್ಲು

ಕೆಂಭಾವಿ: ಪಟ್ಟಣದಲ್ಲಿ ಮಂಗಳವಾರ 11 ಗಂಟೆಯಿಂದ ಸರಿಸುಮಾರು ಅರ್ಧತಾಸು ಸೂರ್ಯನ ಸುತ್ತ ಕಾಣಿಸಿಕೊಂಡ ಉಂಗುರಾಕಾರಾದ ಕಾಮನಬಿಲ್ಲು ನೋಡಿ ಸೂರ್ಯನತ್ತ ದೃಷ್ಟಿಸಿ ಜನರು ಫೋಟೊ ತಗೆದು ಸಂಭ್ರಮಿಸಿದ್ದಾರೆ.

ಆಕಾಶ ವೀಕ್ಷಣೆಯ ಹವ್ಯಾಸವುಳ್ಳವರಿಗೂ, ಫೋಟೊಗ್ರಾಫಿ ಆಸಕ್ತರಿಗೂ ಹಬ್ಬವೆಂಬಂತೆ ಈ ವಿಸ್ಮಯ ಕಂಡುಬಂತು.

ಮೋಡದ ಬಿನ್ನಾಣ: ಸೂರ್ಯನ ಸುತ್ತಲೂ ಆವರಿಸಿರುವ ಮೋಡದಲ್ಲಿ ಹುುಗಿರುವ ಮಂಜುಗಡ್ಡೆ ಕಣಗಳ ಮೇಲೆ ಬೆಳಕು ಹರಿದ ಪರಿಣಾಮ ಈ ಆಕರ್ಷಕ ವೃತ್ತ ಗೋಚರಿಸಿದೆ. ಕಾಮನಬಿಲ್ಲು ಸೃಷ್ಟಿಯಾದಂತೆ ನಡೆದ ವಿದ್ಯಮಾನ ಇದಾಗಿದ್ದು, ಬಣ್ಣಗಳಲ್ಲಿ ಮಾತ್ರ ವ್ಯತ್ಯಾಸ ಕಂಡು ಬಂದಿದೆ. ವಾತಾವರಣದಲ್ಲಿ ತೇವಾಂಶ ಹೆಚ್ಚು ಇರುವ ಮತ್ತು ಮಳೆ ಬರುವ ಮುನ್ಸೂಚನೆಯನ್ನು ಇದು ನೀಡುತ್ತದೆ ಎಂದು ವಿಜ್ಞಾನ ವಿಷಯದ ಶಿಕ್ಷಕರೊಬ್ಬರು ತಿಳಿಸಿದರು.