ಯಾದಗಿರಿ: ಹಾವು ಕಚ್ಚಿ ರೈತ ಸಾವು

ಯಾದಗಿರಿ: ಹಾವು ಕಡಿದು ರೈತ ಸಾವನ್ನಪ್ಪಿರುವ ಘಟನೆ ತಾಲ್ಲೂಕಿನ ಬಳಿಚಕ್ರ ತಾಂಡಾದಲ್ಲಿ ಭಾನುವಾರ ರಾತ್ರಿ ಜರುಗಿದೆ.

ಬಂಗಾರಪ್ಪ ತುಕಾರಾಮ ಚವಾಣ(31) ಮೃತಪಟ್ಟಿರುವ ರೈತ. ಅವರು, ತಮ್ಮ ಜಮೀನಿನಲ್ಲಿ ಭಾನುವಾರ ರಾತ್ರಿ ಶೇಂಗಾ ಬೆಳೆಗೆ ನೀರುಣಿಸುತ್ತಿರುವಾಗ ಹಾವು ಕಚ್ಚಿ, ಮೃತಪಟ್ಟಿದ್ದಾರೆ.

ಮೃತ ರೈತನಿಗೆ ಪತ್ನಿ, ಇಬ್ಬರು ಪುತ್ರರು, ಇಬ್ಬರು ಪುತ್ರಿಯರು ಇದ್ದಾರೆ. ಸೈದಾಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.