ಹುಣಸಗಿ | ಮಳೆಗೆ ಮನೆಗಳು ಭಾಗಶಃ ಹಾನಿ

ಹುಣಸಗಿ: ತಾಲ್ಲೂಕಿನಲ್ಲಿ ಗುರುವಾರ ಸುರಿದ ಮಳೆಗೆ ಅಲ್ಲಲ್ಲಿ ಮನೆಗಳು ಭಾಗಶಃ ಕುಸಿದಿವೆ.

ತಾಲ್ಲೂಕಿನ ವಜ್ಜಲ ಗ್ರಾಮದಲ್ಲಿ ರೇಣುಕಾ ಸಂಗಣ್ಣ ಎಂಬುವರ ಮನೆ ಚಾವಣಿ ಭಾಗಶಃ ಬಿದ್ದಿದೆ. ತಾಲ್ಲೂಕಿನ ಬರದೇವನಹಾಳ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಮನ್ನಾ ನಾಯಕ್ ತಾಂಡಾದಲ್ಲಿ ಸವಿತಾ ಮೋತಿಲಾಲ್ ಅವರ ಮನೆ ಬಿದ್ದಿದೆ ಎಂದು ತಿಳಿದುಬಂದಿದೆ.

ಯಡಹಳ್ಳಿ ಗ್ರಾಮದಲ್ಲಿಯೂ ಒಂದು ಮನೆ ಭಾಗಶಃ ಕುಸಿದಿದ್ದು, ಕಂದಾಯ ಅಧಿಕಾರಿಗಳು ಸಮೀಕ್ಷಾ ಕಾರ್ಯ ಕೈಗೊಳ್ಳುತ್ತಿದ್ದಾರೆ ಎಂದು ಕಂದಾಯ ಇಲಾಖೆಯ ಮೂಲಗಳು ತಿಳಿಸಿವೆ.

ಶುಕ್ರವಾರ ಸಂಜೆ ಪಟ್ಟಣ ಸೇರಿದಂತೆ ಗ್ರಾಮೀಣ ಭಾಗದಲ್ಲಿ ಮಳೆಯಾಗಿದೆ.