VIDEO: ಸಮಯಕ್ಕೆ ಸರಿಯಾಗಿ ಬಾರದ ಬಸ್: ವಿದ್ಯಾರ್ಥಿಗಳು ಮತ್ತು ನೌಕರರ ಪರದಾಟ

ಯಾದಗಿರಿ: ಜಿಲ್ಲೆಯ ಸೈದಾಪುರ ಸಮೀಪದ ಪುಟ್ಟ ಹಳ್ಳಿ ಕಡೇಚೂರು ಗ್ರಾಮಕ್ಕೆ ಬಸ್‌ಗಳೇ ಇಲ್ಲ. ಶಾಲಾ– ಕಾಲೇಜು ವಿದ್ಯಾರ್ಥಿಗಳು ಪ್ರತಿ ದಿನ ಬೆಳಿಗ್ಗೆ 3 ಕಿ.ಮೀ ಹಾಗೂ ಸಂಜೆ 3 ಕಿ.ಮೀ ನಡೆಯಲೇಬೇಕು. ಪ್ರೌಢಶಾಲೆ, ಕಾಲೇಜು ಶಿಕ್ಷಣ ಪಡೆಯಬೇಕೆಂದರೆ ಪ್ರತಿದಿನ ಪಾದಯಾತ್ರೆ ಅನಿವಾರ್ಯ. ಇದು ಒಬ್ಬಿಬ್ಬರ ಸಮಸ್ಯೆಯಲ್ಲ; ನೂರಕ್ಕೂ ಹೆಚ್ಚು ವಿದ್ಯಾರ್ಥಿಗಳು ಹಲವು ವರ್ಷಗಳಿಂದ ಈ ಸಂಕಷ್ಟ ಎದುರಿಸುತ್ತಲೇ ಇದ್ದಾರೆ. ಅಧಿಕಾರಿಗಳೇ ಈಗಲಾದರೂ ಕಣ್ಣು ತೆರೆಯಬಹುದಲ್ಲವೇ!