ಶಹಾಪುರ | ಅನಧಿಕೃತ ಕಟ್ಟಡ ನಿರ್ಮಾಣ: ಭೀಮಣ್ಣ ಮೇಟಿಗೆ ನೋಟಿಸ್‌

ಶಹಾಪುರ: ನಗರದ ಐಟಿಎಸ್‌ಎಂಟಿ ಜಮೀನು ಹತ್ತಿರ ಜಮೀನಿನಲ್ಲಿ ಡಿಡಿಯು ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಭೀಮಣ್ಣ ಮೇಟಿ ಅವರು ಸರ್ವೇ ನಂಬರ್‌ 90/1ರಲ್ಲಿ ಅನಧಿಕೃತವಾಗಿ ಕಟ್ಟಡ ನಿರ್ಮಿಸುತ್ತಿರುವುದು ಕಂಡು ಬಂದಿದೆ. ಅಗತ್ಯ ದಾಖಲೆಗಳನ್ನು ಕಾರ್ಯಾಲಯಕ್ಕೆ ಸಲ್ಲಿಸುವಂತೆ ನಗರಸಭೆಯ ಪೌರಾಯುಕ್ತ ರಮೇಶ ಬಡಿಗೇರ ಸೋಮವಾರ ನೋಟಿಸ್‌ ಜಾರಿ ಮಾಡಿದ್ದಾರೆ.

ಕಟ್ಟಡ ಲೇ ಔಟ್ ಕಾಪಿ ಹಾಗೂ ಕಟ್ಟಡ ಪರವಾನಗಿ ಇನ್ನಿತರ ಸಂಬಂಧಪಟ್ಟ ದಾಖಲೆಗಳನ್ನು ಕಾರ್ಯಾಲಯಕ್ಕೆ ಸಲ್ಲಿಸಿದ ನಂತರ ಕಟ್ಟಡ ಕಾಮಗಾರಿ ನಡೆಸಬೇಕು ಎಂದು ನೋಟಿಸಿನಲ್ಲಿ ತಿಳಿಸಿದ್ದಾರೆ.