ಹುಣಸಗಿ | ಬಾಲಕಿಗೆ ಪ್ರಸವ: ಪತಿ ಸೇರಿ ಐವರ ವಿರುದ್ಧ ಪ್ರಕರಣ

ಯಾದಗಿರಿ: ಹುಣಸಗಿ ತಾಲ್ಲೂಕಿನ ಕೊಡೆಕಲ್ ಪೊಲೀಸ್ ಠಾಣೆಯ ವ್ಯಾಪ್ತಿಯಲ್ಲಿ 15 ವರ್ಷದ ಬಾಲಕಿಗೆ ಪ್ರಸವವಾಗಿದ್ದು, ಆಕೆಯ ಪತಿ ಸೇರಿ ಐವರ ವಿರುದ್ಧ ಬಾಲ್ಯವಿವಾಹ ನಿಷೇಧ ಕಾಯ್ದೆ ಹಾಗೂ ಪೋಕ್ಸೊ ಕಾಯ್ದೆಯಡಿ ಪ್ರಕರಣ ದಾಖಲಾಗಿದೆ.

ಜಿಲ್ಲಾ ಹಿಂದುಳಿದ ವರ್ಗಗಳ ಕಲ್ಯಾಣ ಅಧಿಕಾರಿ ಸದಾಶಿವ ಮಲ್ಲೇಶಿ ದೂರು ನೀಡಿದ್ದರು. ಬಾಲಕಿ ಪತಿ, ಅತ್ತೆ, ಮಾವ, ತಾಯಿ–ತಂದೆ ವಿರುದ್ಧ ಪ್ರಕರಣ ದಾಖಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

‘2021ರ ಜೂನ್ 21ರಂದು ಬಾಲಕಿಗೆ ಮದುವೆಯಾಗಿದೆ. ಹೆರಿಗೆ ಆಗಿರುವುದು ಆರ್‌ಸಿಎಚ್‌ ಪೋರ್ಟಲ್‌ ಮೂಲಕ ಗೊತ್ತಾಗಿದೆ’ ಎಂದು ಸದಾಶಿವ ಅವರು ಮಾಹಿತಿ ನೀಡಿದರು.