ಜೆಇಇ ಮೇನ್‌ ಪರೀಕ್ಷೆ: ಏಪ್ರಿಲ್‌ 16ರಿಂದ ಮೊದಲ ಹಂತದ ಪರೀಕ್ಷೆಗಳು

ನವದೆಹಲಿ: ಜೆಇಇ ಮೇನ್‌ ಪರೀಕ್ಷೆಯ ಮೊದಲ ಹಂತದ ಪರೀಕ್ಷೆಗಳು ಏಪ್ರಿಲ್‌ 16ರಿಂದ 21ರವರೆಗೆ ಮತ್ತು ಎರಡನೇ ಹಂತದ ಪರೀಕ್ಷೆಗಳು ಮೇ 24 ರಿಂದ 29ರವರೆಗೂ ನಡೆಯಲಿವೆ.

ಜೆಇಇ ಮೇನ್‌ ಪರೀಕ್ಷೆಯು ಎರಡು ಭಾಗವನ್ನು ಒಳಗೊಂಡಿರುತ್ತದೆ ಎಂದು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (ಎನ್‌ಟಿಎ) ಮಂಗಳವಾರ ಪ್ರಕಟಿಸಿದೆ. ಇದು, ಐಐಟಿಗಳಿಗೆ ಪ್ರವೇಶ ಕಲ್ಪಿಸಲು ನಡೆಸಲಿರುವ ಜೆಇಇ–ಅಡ್ವಾನ್ಸಡ್‌ ಪರೀಕ್ಷೆಗೆ ಅರ್ಹತಾ ಪರೀಕ್ಷೆಯೂ ಆಗಿರಲಿದೆ.

ಮೊದಲನೇ ಭಾಗವು ಎನ್‌ಐಟಿ, ಐಐಐಟಿಗಳಲ್ಲಿ ಬಿಇ., ಬಿ.ಟೆಕ್ ಪದವಿ ಕೋರ್ಸ್‌ಗಗಳಿಗೆ ಪ್ರವೇಶ ಪರೀಕ್ಷೆ
ಯಾಗಿದ್ದರೆ, ಎರಡನೇ ಭಾಗವು ಆರ್ಕಿಟೆಕ್ಟಿಕ್‌ ಮತ್ತು ಪ್ಲಾನಿಂಗ್ ಕೋರ್ಸ್‌ಗಳಿಗೆ ಪ್ರವೇಶ ಪರೀಕ್ಷೆಯಾಗಿರಲಿದೆ.