ನಾಮಪತ್ರ ಸಲ್ಲಿಕೆ: ನಟಿ ನಗ್ಮಾ ವಿಫಲ

ಲಖನೌ: ಸೂಚಕರು ನಿಗದಿತ ಸಮಯಕ್ಕೆ ಜಿಲ್ಲಾ ಮ್ಯಾಜಿಸ್ಟ್ರೇಟ್‌ ಕಚೇರಿಗೆ ಬರಲು ಸಾಧ್ಯವಾಗದೇ ಇದ್ದುದರಿಂದ ನಟಿ ಹಾಗೂ ಮೀರಠ್‌ ಕ್ಷೇತ್ರದ ಕಾಂಗ್ರೆಸ್‌ ಅಭ್ಯರ್ಥಿ ನಗ್ಮಾ ಅವರು ಶುಕ್ರವಾರ ನಾಮಪತ್ರ ಸಲ್ಲಿಸಲು ವಿಫಲರಾದರು.

ಇದಕ್ಕೆಲ್ಲ ಪೊಲೀಸರೇ ಕಾರಣ ಎಂದು ನಗ್ಮಾ ದೂರಿದ್ದಾರೆ. ಪೊಲೀಸರು ತಡೆ ಒಡ್ಡಿದ್ದರಿಂದ ಸೂಚಕರಿಗೆ ನಿಗದಿತ ಸಮಯಕ್ಕೆ ಕಚೇರಿಗೆ ಬರಲು ಸಾಧ್ಯ­ವಾಗಲಿಲ್ಲ ಎಂದು ಅವರು ಹೇಳಿದ್ದಾರೆ. ಮೀರಠ್‌ನಲ್ಲಿ ಏಪ್ರಿಲ್‌ 10ರಂದು ಮತದಾನ ನಡೆಯ­ಲಿದ್ದು, ಶನಿವಾರ ನಾಮ­ಪತ್ರ ಸಲ್ಲಿಸಲು ಕೊನೆಯ ದಿನ.