ಲೋಸಕಭಾ ಚುನಾವಣೆಯ ಮೂರನೇ ಹಂತ: ಮತದಾನ ಪ್ರಮಾಣ ಶೇ 65.68

ನವದೆಹಲಿ (ಪಿಟಿಐ): ಲೋಸಕಭಾ ಚುನಾವಣೆಯ ಮೂರನೇ ಹಂತದಲ್ಲಿ ಶೇ 65.68 ಮತದಾನ ನಡೆದಿದೆ ಎಂದು ಚುನಾವಣಾ ಆಯೋಗ ಶನಿವಾರ ತಿಳಿಸಿದೆ.

ಮೂರನೇ ಹಂತದ ಮತದಾನ ಮೇ 7 ರಂದು ನಡೆದಿತ್ತು. 11 ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ 93 ಕ್ಷೇತ್ರಗಳ ಮತದಾರರು ತಮ್ಮ ಹಕ್ಕು ಚಲಾಯಿಸಿದ್ದರು. 

‘ಮೂರನೇ ಹಂತದಲ್ಲಿ 8.85 ಕೋಟಿ ಪುರುಷರು ಮತ್ತು 8.39 ಕೋಟಿ ಮಹಿಳೆಯರು ಸೇರಿದಂತೆ ಒಟ್ಟು 17.24 ಕೋಟಿ ಮಂದಿ ಮತ ಚಲಾಯಿಸಲು ಅರ್ಹರಾಗಿದ್ದರು. ಅದರಲ್ಲಿ ಶೇ 66.89 ಪುರುಷರು, ಶೇ 64.4 ಮಹಿಳೆಯರು ಹಾಗೂ ಶೇ 25.2 ಲಿಂಗತ್ವ ಅಲ್ಪಸಂಖ್ಯಾತರು ಮತದಾನ ಮಾಡಿದ್ದಾರೆ’ ಎಂದು ಆಯೋಗದ ಪ್ರಕಟಣೆ ತಿಳಿಸಿದೆ.