ಬಿಎಸ್‌ವೈ ವಿರುದ್ಧ ಪ್ರಸನ್ನಕುಮಾರ್‌ ಸ್ಪರ್ಧೆ

ರಾಮನಗರ: ‘ಶಿವಮೊಗ್ಗ ಲೋಕ­ಸಭಾ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿ ಬಿ.ಎಸ್‌.ಯಡಿಯೂರಪ್ಪ ಅವರ ವಿರುದ್ಧ ಕೆಜೆಪಿ ಅಭ್ಯರ್ಥಿಯಾಗಿ ನಾನೇ ಕಣಕ್ಕಿಳಿಯುತ್ತೇನೆ’ ಎಂದು ಕೆಜೆಪಿ ಸಂಸ್ಥಾಪಕ ಅಧ್ಯಕ್ಷ ಪದ್ಮನಾಭ ಪ್ರಸನ್ನ ಕುಮಾರ್‌ ತಿಳಿಸಿದರು.

ಮಂಗಳವಾರ ನಗರದ ಹೋಟೆ­­ಲಿನಲ್ಲಿ ಸುದ್ದಿ­ಗೋಷ್ಠಿಯಲ್ಲಿ ಮಾತ­ನಾ­­ಡಿದ ಅವರು, ‘ಯಡಿಯೂರಪ್ಪ ಒಬ್ಬ ಅವಕಾಶವಾದಿ ರಾಜಕಾರಣಿ.  ಕಷ್ಟಕಾಲದಲ್ಲಿ ಅವರ ಬೆಂಬಲಕ್ಕೆ ನಿಂತಿದ್ದ ಮಾಜಿ ಸಚಿವ ಧನಂಜಯ­ಕುಮಾರ್,  ಸಂಸದ ಬಸವರಾಜು, ಮುಖಂಡ ಲಕ್ಷ್ಮಿನಾರಾಯಣ ಅವ­ರನ್ನು ನಡುನೀರಿನಲ್ಲಿ ಕೈಬಿಟ್ಟಿದ್ದಾರೆ’ ಎಂದು ದೂರಿದರು.