ಬೆಂಗಳೂರು: ಗೃಹಿಣಿಯೊಬ್ಬಳು ರೇಡಿಯೋ ಕಾರ್ಯಕ್ರಮಗಳ ನಿರೂಪಕಿಯಾಗುವ ಕಥೆಯನ್ನು ಒಳಗೊಂಡ ‘ತುಮ್ಹಾರಿ ಸುಲು’ ಚಿತ್ರದ ಟ್ರೇಲರ್ ಬಿಡುಗಡೆಯಾಗಿದ್ದು ಗಮನ ಸೆಳೆಯುವಂತಿದೆ.
ರೇಡಿಯೋ ಕಾರ್ಯಕ್ರಮದಲ್ಲಿ ಪ್ರೆಷರ್ ಕುಕ್ಕರ್ ಗೆಲ್ಲುವ ಸುಲೋಚನ ಅದೇ ರೇಡಿಯೋ ಸ್ಟೇಷನ್ನಲ್ಲಿ ನಿರೂಪಕಿಯಾಗಿ ಸೇರ್ಪಡೆಯಾಗುತ್ತಾಳೆ. ಆಸೆ ಈಡೇರುವ ಜತೆಗೆ ಮನೆಯವರೊಂದಿಗಿನ ಸಂಬಂಧದಲ್ಲಿ ಏರುಪೇರು.
ಚುರುಕು ಸಂಭಾಷಣೆ, ಪಾತ್ರವೇ ತಾನಾಗಿರುವ ವಿದ್ಯಾ, ಟ್ರೇಲರ್ನಲ್ಲಿ ವ್ಯಕ್ತವಾಗುವಂತೆ ಪಥ ಬದಲಿಸುವ ಕಥೆ ಕುತೂಹಲ ಹೆಚ್ಚಿಸಿದೆ.
ನೇಹಾ ಧೂಪಿಯಾ, ಮನವ್ ಕೌಲ್, ವಿಜಯ್ ಮೌರ್ಯಾ ಸೇರಿ ಹಲವು ಕಲಾವಿದರ ಅಭಿನಯವಿದೆ. ಸುರೇಶ್ ತ್ರಿವೇಣಿ ನಿರ್ದೇಶಿಸಿರುವ ಚಿತ್ರವು ನವೆಂಬರ್ 17ರಂದು ತೆರೆಕಾಣಲಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.