ಫಿಲ್ಲೌರಿ ಚಿತ್ರ ನಿರ್ಮಾಣದಲ್ಲಿ ವಿರಾಟ್‌ ಹೂಡಿಕೆ ಇಲ್ಲ, ಅನುಷ್ಕಾ ಸ್ಪಷ್ಟನೆ

ಮುಂಬೈ: ಬಾಲಿವುಡ್‌ ಬೆಡಗಿ ಅನುಷ್ಕಾ ಶರ್ಮಾ ನಿರ್ಮಾಣದ ಮುಂಬರುವ ಚಿತ್ರ ‘ಫಿಲ್ಲೌರಿ‘ ಚಿತ್ರಕ್ಕೆ ಭಾರತ ಕ್ರಿಕೆಟ್‌ ತಂಡದ ನಾಯಕ ವಿರಾಟ್‌ ಕೊಹ್ಲಿ ಹಣ ಹೂಡಿಕೆ ಮಾಡಿಲ್ಲ ಎಂದಿದ್ದಾರೆ.

ಅನುಷ್ಕಾ ಅವರು ನಿರ್ಮಿಸಿ, ನಟಿಸಿರುವ ಚಿತ್ರ ಬಿಡುಗಡೆ ಹಂತದಲ್ಲಿದ್ದು, ಈ ಚಿತ್ರಕ್ಕೆ ಅವರ ಗೆಳೆಯ ವಿರಾಟ್‌ ಕೊಹ್ಲಿ ಹಣ ಹೂಡಿಕೆ ಮಾಡಿದ್ದಾರೆ ಎಂಬ ಸುದ್ದಿ ಕೆಲದಿನದಿಂದ ಮಾಧ್ಯಮಗಳಲ್ಲಿ ಹರಿದಾಡುತ್ತಿದೆ.

ಇದಕ್ಕೆ ಶನಿವಾರ ಸ್ಪಷ್ಟನೆ ನೀಡಿದ ಅನುಷ್ಕಾ, ‘ಇದು ನಾನು ನಿರ್ಮಿಸುತ್ತಿರುವ ಎರಡನೇ ಚಿತ್ರ. ನಮ್ಮದೇ ಬ್ಯಾನರ್‌ ಅಡಿ (ಕ್ಲೀನ್‌ ಸ್ಲೇಟ್‌) ಚಿತ್ರ ನಿರ್ಮಾಣವಾಗಿದೆ ಮತ್ತು ಫಾಕ್ಸ್‌ ಸ್ಟಾರ್‌ ಹಿಂದಿ ಸಹ ನಿರ್ಮಾಣ ಮಾಡಿದೆ’ ಎಂದಿದ್ದಾರೆ.