‘ಅನಿರೀಕ್ಷಿತ’ ಗೆದ್ದಿತು ಛಾಯಾಗ್ರಹಣ ಪ್ರಶಸ್ತಿ
ಚಂದನವನದ ಚಿತ್ರವೊಂದಕ್ಕೆ ಕೇರಳದಲ್ಲಿ ನಡೆದ ಚಿತ್ರೋತ್ಸವದಲ್ಲಿ ಛಾಯಾಗ್ರಹಣ ವಿಭಾಗದಲ್ಲಿ ಪ್ರಶಸ್ತಿ ಲಭಿಸಿದೆ.
ಮಿಮಿಕ್ರಿ ದಯಾನಂದ್‌ ನಿರ್ದೇಶನದ ‘ಅನಿರೀಕ್ಷಿತ’ ಪ್ರಶಸ್ತಿ ಗೆದ್ದ ಚಿತ್ರ. ಜೀವನ್‌ಗೌಡ ಅವರು ಈ ಚಿತ್ರದ ಛಾಯಾಗ್ರಾಹಕರು. ಅವರ ಛಾಯಾಗ್ರಹಣಕ್ಕೆ ಕೇರಳದ ಆರ್ಟ್‌ ಇಂಡಿಪೆಂಡೆಂಟ್‌ ಇಂಟರ್‌ನ್ಯಾಷನಲ್‌ ಫಿಲ್ಮ್‌ ಫೆಸ್ಟಿವಲ್‌ನ 7 ವರ್ಷದ ಸ್ಪರ್ಧೆಯಲ್ಲಿ ಈ ಪ್ರಶಸ್ತಿ ಲಭಿಸಿದೆ. ಅಮೆರಿಕದ ನ್ಯೂಜೆರ್ಸಿಯಲ್ಲಿ ನಡೆದ ‘ಸ್ಟಾರ್‌ ಹಾಲಿವುಡ್‌ ಅವಾರ್ಡ್ಸ್‌’ನಲ್ಲೂ ಈ ಚಿತ್ರಕ್ಕೆ ಉತ್ತಮ ಛಾಯಾಗ್ರಹಣ ಪ್ರಶಸ್ತಿ ಲಭಿಸಿದೆ.
ಚಿತ್ರದಲ್ಲಿ ದಯಾನಂದ್‌ ಅವರ ನಟನೆ ಇದೆ. ಸಂತೋಷ್‌ ಕೊಂಡೆಕೇರಿ ಅವರ ಕ್ರಿಯೇಟಿವ್‌ ಡೈರೆಕ್ಷನ್‌ ಇದೆ. ಗುರುಕಿರಣ್‌ ಸಂಗೀತ ನೀಡಿದ್ದಾರೆ. ನೆಲ್ಲೋಲಿ ರಾಜಶೇಖರ್‌ ಅವರ ಸಂಭಾಷಣೆ ಇದೆ. ರಘು ಅವರ ಸಂಕಲನ ಇದೆ. ಲಾಕ್‌ಡೌನ್‌ ಅವಧಿಯಲ್ಲಿ 13 ತಂತ್ರಜ್ಞರು ಈ ಚಿತ್ರ ನಿರ್ಮಾಣದಲ್ಲಿ ತೊಡಗಿದ್ದರು. ಎಸ್‌.ಕೆ. ಟಾಕೀಸ್‌ ಬ್ಯಾನರ್‌ ಅಡಿಯಲ್ಲಿ ಈ ಚಿತ್ರ ನಿರ್ಮಾಣಗೊಂಡಿದೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.