ಐದು ವರ್ಷಗಳ ಬಳಿಕ ಮಲಯಾಳಂ ಚಿತ್ರರಂಗಕ್ಕೆ ಮರಳಿದ ನಟಿ ಭಾವನಾ
ಬೆಂಗಳೂರು: 2017ರ ಕರಾಳ ಘಟನೆಯ ಬಳಿಕ ಮಲಯಾಳಂ ಚಿತ್ರರಂಗದಿಂದ ದೂರ ಸರಿದಿದ್ದ ನಟಿ ಭಾವನಾ, ಐದು ವರ್ಷಗಳ ಬಳಿಕ ಪುನರಾಗಮನ ಮಾಡಿಕೊಳ್ಳಲು ಸಿದ್ಧವಾಗಿದ್ದಾರೆ.
ಈ ಕುರಿತು ಸ್ವತಃ ನಟಿ ಭಾವನಾ ಘೋಷಣೆ ಮಾಡಿದ್ದಾರೆ. ತಾವು ನಟಿಸುತ್ತಿರುವ ಹೊಸ ಚಿತ್ರದ ಪೋಸ್ಟರ್ ಅನ್ನು ಇನ್‌ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ:ಪುನೀತ್‌ ಹುಟ್ಟುಹಬ್ಬಕ್ಕೆ ಡಾ. ರಾಜ್‌ಕುಮಾರ್‌ ಹುಟ್ಟೂರಿಗೆ ಸೈಕಲ್‌ ಯಾತ್ರೆ
'ಎಂಟೆಇಕ್ಕಾಕ್ಕಕ್ಕೊರು ಪ್ರೇಮಡಾರ್ನ್' ಚಿತ್ರಕ್ಕೆ ನಟಿ ಭಾವನಾ ಬಣ್ಣ ಹಚ್ಚಲಿದ್ದಾರೆ.
ಆದಿಲ್ ಮೈಮೂನತ್ ನಿರ್ದೇಶನದ ಚಿತ್ರವನ್ನು ರೆನಿಷ್ ಅಬ್ದುಲ್ ಖಾದರ್ ನಿರ್ಮಿಸುತ್ತಿದ್ದಾರೆ. ನಟ ಶರಫುದ್ದೀನ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ.
ಮಲಯಾಳಂ ಸೂಪರ್ ಸ್ಟಾರ್ ಮಮ್ಮುಟ್ಟಿ ಸೇರಿದಂತೆ ಪ್ರಮುಖ ನಟ-ನಟಿಯರು ಚಿತ್ರದ ಪೋಸ್ಟರ್ ಹಂಚುವ ಮೂಲಕ ಭಾವನಾಳಿಗೆ ಶುಭಾಶಯ ಕೋರಿದ್ದಾರೆ.
ನಟಿ ಭಾವನಾ 'ಜಾಕಿ' ಸಿನಿಮಾದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಪ್ರವೇಶ ಮಾಡಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.